الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

كهربا مش غلطان.. لميس الحديدي تعلق على خناقة تتويج الأهلي بدرع الدوري

ارشيفية
ارشيفية

علقت الإعلامية لميس الحديدي، على احتفال لاعبي الأهلي بالتتويج ببطولة الدوري العام، قائلةً "عاوزة أحيي النادي الأهلي وده خبر سعيد بالنسبة ليا وشيء طبيعي بالنسبة للاهلاوية لكن دائمًا بنقول إلى الأمام يا أهلي إفريقيا يا أهلي وإن شاء الله دائما نحتفل".

وأضافت «الحديدي» عبر برنامجها " كلمة أخيرة " المذاع على شاشة " ON"  قائلة " ساعات بنتعرض لعثرات لكن دائمًا كل واحد بيحب النادي بتاعه بيقف وراه حتى لو تعرض لعثرات بنقول معلش اغتلبت المرة دي مش مشكلة هقف معاك وتتعوض  المرة الجاية".

وحول الخلاف الذي وقع بالأمس بين محمود كهربا لاعب الأهلي ومحمد فضل ممثل اللجنة الخماسية، قالت "الحكاية كبرت أوي، كهربا كان شايل ابن مؤمن زكريا، وزكريا ودي كانت لفتة كويسة جدًا من النادي الاهلي وباحيي زوجة مؤمن.. ناس كتيرة علقت على المشادة التي حدثت بينهما وده عيب جدًا يحصل في  حفل تتويج  وناس قالت كهربا غلطان  وانا الحقيقة مش شايفة كهربا غلطان لاني شايفاه جاي من بعيد واقف ومبسوط  وكنت أتمنى من محمد فضل وهو يمثل  إتحاد الكرة أن يكون صدره رحب بشكل أكبر".

وتساءلت الحديدي "هو كان فيه لجنة بتنظم وأنا مش واخدة بالي؟ أنا سألت وقالولي لا لو كانت اللجنة مظبطة القواعد يمكن مكنش حصل ده ؟  كهربا كان جاي من عندة اللعيبة كان إيه لزمته التشابك بالايدي؟ واظن أنا محمد فضل رجل محترم ومسؤول  يمثل إتحاد الكرة  كان لازم يبقى أهدي من كده إلا لو كان فيه خلاف قديم دي قصة تانية ولاكرر لازم يكون فضل أهدى شوية  لانك دائما لما بتكون مسؤول  لازم تكون  صدرك رحب وتعدي الامور ؟! وانت برضه ياكهربا ماتبقاش حمقي اوي كده ؟  لكن أحيي النادي الاهلي وأظن ان الموضوع مش محتاج عقوبة".