EN
حلت الفنانة كندة علوش، والمطرب محمود العسيلي، ضيوفا بـ برنامج "سهرانين"، الذي يقدمه الفنان "أمير كرارة"، والمُذاع عبر فضائية "أون إي".
وكشف الفنانة "كندة علوش"، عن أغرب موقف حدث لها، قائله: "كنا بنصور مسلسل في إسبانيا، وقالوا لنا فيه شخص عايز يعزمكم على العشاء، ومكنتش أعرف اسمه، وكانت حاجه محرجة بالنسبة لي، وكان فيه إصرار رهيب من فريق العمل إني أخرج معاهم، ووافقت في النهاية".
وأضافت: "نزلت وكنت مديه للراجل وش معرفش ليه، علشان كنت رايحه متكدره، وبعد كدا لقيت الراجل بيحكي زكريات عن سوريا، وتجربة أخته المأساوية في الحب، وأثناء ما هو بيحكي أخذت بالي من حاجه في القصة، وبعدين سألته الراجل دا اسمه ايه.. قال لي مازن علوش، قولت له الراجل دا أبويا".
وأشارت: "قال لي انتي بنت مازن، وارتبك وقعد يعيط.. قولت له أنا عايزه أكلم أختك، اتصل عليها وقال لها عندي حد عايز يكلمك، وهي كانت لا تعرفني ولا تعرف صوتي، أول ما قولت لها أنا كندة علوش سكتت وقالت لي اديني أخويا وقعدت تعيط"، موضحه: "بابا كان حكي لنا القصة".
