محمد رشاد يتحدث عن منافسته لـ عمرو دياب وسميرة سعيد

استضاف موقع صدى البلد الإخباري، النجم محمد رشاد والمؤلفة والمنتجة كوثر حجازي، في ندوة خاصة؛ لتكريمه عن أحدث أعماله الغنائية “أنا مش شمتان”، والتي طرحها قبل أيام، لتحقق نجاحًا جماهيريًا كبيرًا فور طرحها على موقع الفيديوهات يوتيوب.

تحدث محمد رشاد، عن منافسته مع الهضبة عمرو دياب في الموسم، قائلًا: «الهضبة تاريخ كبير وأنا من عشاقه من زمان جدًا وله أغاني كثيرة جدًا تلمسني، وكذلك الأمر بالنسبة للديفا سميرة سعيد»، مشيرًا إلى أن النجاح والتوفيق بيد الله. 

وأضاف محمد رشاد : «لما تعمل حاجة بضمير وحرفية شديدة جدًا أكيد ربنا مش هيضيع تعبك»، مشيرًا إلى أن «أنا مش واثق مليون في المية ان الأغنية هتدغدغ الدنيا لكن واثق ان تعبنا ربنا مش هيضيعه وربنا هيكلل التعب ده بنجاح». 

محمد رشاد في ضيافة صدى البلد

كما استطرد «رشاد» إلى تفاصيل أعماله المقبلة مع «كوثر» متحدثًا عن رأيه في أغاني المهرجانات ونيته في تقديمها من عدمه. 

ينشر صدى البلد، فيديوهات الندوة تباعًا عبر القناة الرسمية للموقع على موقع الفيديوهات الشهير يوتيوب خلال الأيام القليلة المُقبلة.

أغنية أنا مش شمتان 

نجاح كبير حققه المطرب محمد رشاد بأغنيته “أنا مش شمتان”، فبعد طرح الأغنية أصبحت من الفيديوهات الرائجة في "ترند" اليوتيوب حيث وصلت مشاهدات الكليب بعد أيام قليلة لأكثر من مليون مشاهدة في حين اقتربت من ٢ مليون مشاهدة على التيك توك.

"أنا مش شمتان" من كلمات كوثر حجازي ألحان محمد النادي توزيع طارق عبد الجابر إدارة أعمال سيكا سمير، وحرص رشاد على توجيه الشكر لجمهوره الذي يدعمه ويسانده دائما وعلى آرائهم الإيجابية في الأغنية التي أسعدته بشكل كبير. 

كلمات أغنية أنا مش شمتان 

وتقول كلمات الأغنية: 
انا مش شمتان
لكن من حقى اننا افرح انك زعلان
اول ما ندمت عرفت انك زينا انسان
بتحس و ليك قلب يحاسبك
ترجع ندمان

سيبنى افرح فيك
وانا شايف ندمك و عزابك
باينين فى عنيك
بقى كل مناك صدفه تشوفنى
او ارد عليك
مش قادر اعملك خاطر
مش حاسس بيك

و هلومك ليه
منا برضو عرفت اكسر قلبك
وانى أقسى عليه
ليه عزابك و تدارى ده انا فرحان بيه
وادى إلى ضحك فينا الاول
راجع خسران

دموعك بتبرد نارى
و ندمك بيخلص تارى
عشان خطرى أبكى كمان
محدش قالك تخسرني
هتفضل يا حبيبي فاكرنى
و هنسى و هتعيش ندمان

لو مهما داريت
انا شايف عينك قدامى بتقول و تعيد
وانا رايق جدا وانا شايف نارك بتئيد
هتموت لو احن و اقربلك انا زى زمان

يذكر أن آخر أغنيات محمد رشاد كانت اغنية "في غيابه تمام" من ألحان حسن سراج وتوزيع أسامة عبد الهادي وكلمات هشام عبد الحليم.