EN 
قالت الدكتورة إيمان الريس استشارى علاقات أسرية وتربوية إن ٩٠% من المرأة فى المجتمع المصرى تعانى من التحرش سواء لفظى أو حركى.
وأضافت الريس خلال لقائها مع الإعلامى مصطفى شيردى فى برنامج الحياة اليوم المذاع على قناة الحياة أن عرض النفس يظهر من خلال قيام بعض الفتيات بتصرفات يلفت إليها الأنظار، «فيه بنات في الجامعة بتكون لابسة لبس لا يصلح للمكان، وبكده متكنش بتحترم الهيبة الخاصة بالجامعة، وبتضايق من زمايلها، اللي بيقولوا أنت ظهرك باين أو بنطلونك مقطع، وأنا ضد ده، وإحنا محتاجين نرجع الحياء تاني في البنات والأسرة المصرية».
وأوضحت استشارى علاقات أسرية و تربوية أنه يجب تأهيل وإخضاع السيدات لدورات تساعدهن في كيفية أخذ حقهن من المتحرش، «وإزاي لما حد يجي جنبك تاخدي حقك، ومتخافيش من أي حد، وتبصي في عينه، وتقوليله هبلغ عنك علشان قانون بلدك معاكي».
و أشارت إلى أن محاربة التحرش بكل أشكاله يبدأ من خلال وسائل الإعلام وتربية النشء من خلال وزارة التربية والتعليم، على التربية السوية، ومحاربة تلك الأشكال السيئة، التي مازالت موجودة في المجتمع.
