مكنتش عايزة ارتبط بحد يخنقني.. هند صبري تروي قصص حبها

حلت الفنانة هند صبري، ضيفة على أولى حلقات الموسم الجديد من برنامج "السيرة"، الذي تقدمه الإعلامية وفاء الكيلاني، والمُذاع عبر فضائية "دي إم سي".

وردت هند صبري، علي سؤال وفاء الكيلاني علي المرات التي حبت فيها من طرف واحد قبل زواجها، موضحة:" حبيت مرتين منهم مرة وأنا في المدرسة".

وأوضحت:"مكنتش عايزة ارتبط بحد يخنقني ويكبتني أو يخليني أشيل المسئولية لأني نجمة والحمد لله لقيت المعادلة بتاعتي في زوجي أحمد الشريف والعلاقة بينا بدأت صداقة حب، ولما طلبني للزواج وافقت لأنه كان بيضحكني وانا نادر لما أضحك واستلطفته، ومش أي خفة دم تضحكني فهو شدني ليه وكمان لقيت فيه حاجات مناسبة، والحب الأعمي مش بيودي في حتة، وحبيته بعد لما استلطفته ولقيت فيه الحاجات المناسبة".

في سياق آخر، ، قالت، إن والدتها لم تمانع من انتقالها لمصر، معقبة: "عمري ما حسيت بغربة وأنا في مصر"، مضيفة: "أول ما وصلت القاهرة حسيت إنى عارفة البلد كويس، وساعات أقول أنا عليا عفريت مصرى عشان كدة أجيد اللهجة المصرية".

وتابعت: "أمى لم ترفض استقرارى فى مصر وجاءت معى وعاشت هنا، وكان لدى عم مستقر فى مصر ما سهل على مهمة إقناع أبى وأمى بالاستقرار فى مصر".