EN 
رصد برنامج "تفاصيل"، المُذاع عبر فضائية "صدى البلد 2 " ، تقديم الإعلامية "نهال طايل"، تفاصيل حكاية سيدة "أم ناصر"، التي راعت زوجا المصاب بالشلل 70 سنة وبعد وفاته عاشت بجوار قبره.
وقالت "أم ناصر"،: "عيني وجعاني وكشفت عليها قالولي عندك مياه على عينك وعايزه عملية"، لتستجيب الإعلامية "نهال طايل"، قائله: "هنتكفل بعملية عينك، يا أم ناصر، وربنا يديني طولة العمر وأجي أخدك من إيدك وأعملك العملية".
وقالت "أم ناصر"،: "أمى ماتت وسابتني وأنا عيلة صغيرة عندي 7 سنين، وحماتي هي اللي ربتني، وكنت متربية أنا وجوزي مع بعض"، لافته: "اتجوزت وأنا عيله صغيرة، وعمري ما اتخانقت معاه".
وأضافت: "والدته كانت في مقام أمي، وكنت بشيل جزمتها على راسي من فوق، وهي اللي ربتني.. وكنت أما احطلها الأكل كانت بتحضني وتبوسني".
وأشارت: " عمري ما اتخانقت أنا وجوزي، ويارتني كنت أنا اللي مت وهو لا.. كان بيداديني زي العيال الصغيرة، الأقي حد زي ده فين، نادر أما تلاقي واحد زي ده"، مؤكدة: "هو اللي رباني وربى عيالي وعيال عيالي".
وتابعت: "أنا سبت الدنيا وجيت أعيش جنبه في المقابر، لأنه هو اللي رباني وأنا ماليش إلا هو.. بقف على التربة بتاعته وأقرأ له الفاتحة، وأقعد أفضفض له، وهو معملش حاجه وحشه في حياته.. ودايما أفتكرله الخير كله".
وأكملت: "كان بيعيط علشاني ويطبطب عليا أما يلاقيني عيانه، هو مثال للرجالة الصح، ومتوفي بقاله كتير، وجالي عرسان كتير بس أنا قولت لا"، عمره ما ضربني، ولا مد إيده عليا، وكان بيزعقلي أما اضرب ابني ولا بنتي"، وولاد الحلال بيساعدوني وبيحنوا عليا، والدنيا ماشيه الحمدلله".
