ميرهان حسين: السوشيال ميديا أعطت فرصة لناس ماتستحقهاش

تحدثت الفنانة ميرهان حسين خلال ندوتها بموقع صدى البلد عن السوشيال ميديا وفوائدها والأضرار التي تسببها.

قالت ميرهان حسين: "السوشيال ميديا سلاح ذو حدين تفيد وتضر، ولها مميزاتها فهي منصة مفتوحة علي عالم كبير، فلو عاوزة أعلن حاجة للجمهور، فهبقي بسهولة جدا ان الواحد يقوم بذلك".

وأضافت ميرهان حسين: "السوشيال ميديا تجعلك تعرف كل حاجة بتحصل حواليك وهو أحد مميزاتها، ولها عيوب كبيرة أيضا، فبشكل شخصي هي بتوصل أفكار غلط، كما أنها أعطت فرص كثيرة لناس ماتستحقهاش".

وتابعت ميرهان حسين: "للأسف بقالنا فترة الحاجات الغريبة أصبحت تريند والناس بقوا يتنافسون  مين هيعمل حاجة أغرب من الثاني، أو كل حد عنده مشكلة فيطلع يعرض المشكلة دي عشان يكون تريند".

كشفت الفنانة ميرهان حسين عن سر تشبيهها بالموديل العالمية كيم كاردشيان.

وقالت ميرهان حسين لـ صدى البلد: "أنا مش بقلدها كيم كاردشيان؛ يمكن الناس شايفين بينا شبه في حاجة مش عارفة إيه هي".

أضافت ميرهان حسين: "لم اتعمد إطلاقا اني أعمل تريند ولا أقصد إني أحضر مهرجان معين، غير لما منظمين الحفلة يبعتوا الدعوة ليا زي مثلا مهرجان الجونة أو مهرجان القاهرة السينمائي".

واختتمت ميرهان حسين: "بقبل الدعوة احترامآ للموضوع واحترامآ لهم وطبعا المهرجانات المصرية أولي بنا ان احنا نحضر، وجالي دعوة هذا العام من مهرجان أسوان، كنت أحب أروح بس ماقدرتش للأسف".

تحدث الفنانة ميرهان حسين عن حبها للرقص.

وقالت ميرهان حسين: "أنا  بحب الرقص جدا.. ممكن أعطي كورسات رقص واعلم بلد ".

وأضافت: "أنا كنت بهزر لما قولت إني نفسي اطلع راقصه؛  وماكنتش بقول علي الرقص الشرقي بس؛  كنت كمان بتكلم علي الرقص الشعبي والرقص عموما بكل أنواعه ".

واختتمت: "أنا بحب الرقص بكل أنواعه لانه فعلا بيديني طاقه إيجابية؛ انا بحب الرقص بشكل عام وبحب الاستعراض".

ميرهان حسين عن تشبيهها بـ كيم كارداشيان: الناس شايفين بينا شبه

ممكن أعلم بلد الرقص.. ميرهان حسين : بتكلم عن كل دُول |فيديو

ميرهان حسين تكشف تجربتها مع محمد رمضان

كشف ميرهان حسين كواليس مشاركتها مع النجم محمد رمضان في مسلسل ابن حلال منذ سنوات .
 

وقالت ميرهان حسين :"  مسلسل ابن حلال نجح نجاح غير متوقع وغير طبيعي وانا  مكنتش متخيله انه هاينجح بالشكل ده ".

أضافت ميرهان حسين :"  كانت اول تجربه  بطولة  لمحمد رمضان ،فكنت خايفه من دوري  اني طالعه مدمنة ؛  وبدأت اشوف رد فعل من الناس كان  غير طبيعي علي المسلسل ويمكن مفيش حاجه عملتها لحد النهاردة  نجحت زي مسلسل ابن حلال ".

تابعت ميرهان حسين:" أحب ان أكرر التجربه مع محمد رمضان؛  مش بس علشان شاركته في  مسلسل ابن حلال؛ ولكن  لاني شوفته ممثل قوي ".

ميرهان حسين تكشف سر ابتعادها عن الغناء :

كشفت ميرهان حسين، عن سبب ابتعادها عن الغناء خلال استضافتها بندوة في موقع “صدى البلد”.

وقالت ميرهان حسين: "التمثيل خدني عن الغناء؛ لأن التمثيل بياخد وقت كبير جدا، ومحتاج مجهود كبير".

وأضافت ميرهان حسين: "التمثيل غير الغناء تماما؛ الوقت اللي بتاخده كممثل لتحضيرك للشخصية من أول ما يجيلك الورق أو بيجيلك دور فتبدأ تشتغل عليه وبتحضر للدور وتدخل تصور".

وتابعت ميرهان حسين: "التصوير عدد ساعاته طويله جدا، فهو بياخذ من وقت الفنان ومجهوده أكثر من الغناء".

وأكدت ميرهان حسين "أنا من النوع اللي بركز في حاجه واحده معرفش افكر في حاجتين، وأنا قعدت وقت طويل في التمثيل وركزت فيه".

ميرهان حسين ضيفة صدى البلد :

حلت ميرهان حسين ضيفة على موقع صدى البلد الإخباري لتكريمها عن آخر أعمالها مسرحية "شمسية وأربع كراسي" والتي حققت خلالها نجاحا كبيرا.

وتحدثت ميرهان حسين خلال الندوة عن كواليس تجربتها الأولى في المسرح، وعن سبب ابتعادها عن الغناء، وعن أعمالها المقبلة التي تحضر لها.

اختتمت ميرهان حسين: "بسمع حاجات كتير؛ ولكن  التمثيل هو اللي كان معطلني فهرجع تاني للغناء، وأتمني خوض تجربه عمل مسرحي  وبه عناء  ، لان ذلك  سيجمع بين التمثيل والغناء".