الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

مش واجهة للفن.. منة فضالي تهاجم الراقصات المتواجدات في مهرجان الجونة

الفنانة منة فضالي
الفنانة منة فضالي

علقت الفنانة منة فضالي على وجود الراقصات في مهرجان الجونة، قائلة: أنا بشوف ناس غريبة جدا متواجدين في المهرجان، وملهمش دعوة بالفنانين، ومعرفش مين دول أصلا، ومعرفش بيتم دعواتهم بناء على إيه.

 

وأضافت منة فضالي خلال لقائها مع برنامج "مساء DMC" المُذاع على فضائية "dmc"، قائلة: " مؤخراً بقيت بشوف راقصات في مهرجان الجونة .. وده جديد بالنسبالنا .. رغم احترامي للرقص جداً .. لكن ده مش واجهة للفن .. والمفروض إن اللي يبقوا موجودين مخرجين ومنتجين وفنانين وممثلين عالميين فقط .. فيه ناس مينفعش تتواجد".

وتابعت الفنانة: "أنا معنديش تحفظ على شخص بعينه ولكن الحوار مش لطيف وأنا ضد تواجدهم في مهرجان سينمائي فني".

وعن الراقصة دينا، قالت: "دينا ممثلة وراقصة .. والفنانة فيفي عبده أيضاً ممثلة وراقصة .. عشان كده احنا بالنسبالنا بنشوفهم ممثلين ونجوم قبل أن يكونوا راقصات".

 ونوهت منة فضالي بأن المهرجان السينمائي في أثناء وجود النجم الراحل عزت أبو عوف؛ كان يشهد تنظيما كبيرا، ودعوة خاصة وترتيبا للممثلين والممثلات، معقبة: "مكنش حد يعرف يخش المهرجان كده نهائي".