عاوزة حقه| والدة رجل ضحية زوجته: قالتلى موتهولك عشان ترتاحي ..فيديو

قالت أم الزوج الذي تم قتله على يد زوجته بعد 6 شهور زواج فقط، “انا عايزة حق ابني، ومعرفتش ان زوجته ستقوم بذلك ومحذرتوش ومقلتلوش أى حاجة وحشة عليها”.

واضافت أم الزوج، خلال لقاء لها لبرنامج “تفاصيل"، عبر فضائية “صدى البلد2”، تقديم الإعلامية “نهال طايل”، “هي حسبي الله ونعم الوكيل فيها لأن ابني جيه من شغله خبط عليا واخوه فتحله وجيه اتطمن عليا وقولت له تعالى اتعشى قالى انا طالع اتعشى مع مراتي”.

وتابعت أم الزوج الذي تم قتله على يد زوجته بعد 6 شهور زواج فقط، أنا سمعت زعيق بعديها قولت لأخوه أنا عايزة أطلع لأخوك وقالى متطلعيش لأن ده خلاف عادي وهيبقوا كويسين ولكن زعيقهم طال طلعت ضربت الجرس هو اللى فتحلي وكان مضروب بالسكينة وفتحلي الباب والضربة كانت فيه".

قولتله بتزعق ليه

وأشارت أم الزوج الذي تم قتله على يد زوجته بعد 6 شهور زواج إلى انا قولتله بتزعق ليه قالى انها معملتش اكل وكان فاكر أن الضربة خفيفة وحاطط ايده على الخبطة عشان مشوفهاش ولكن بعد ذلك قالى مراتي خبطتنى بالسكينة وقالتلى انا موتهولك عشان ترتاحي ومنزلتش دمعه خالص ".