EN
أشاد السيناريست تامر حبيب، بأغنية “بقيت وحدك” للفنانة أنغام، من خلال نشر الأغنية عبر حسابه الرسمي على “فيسبوك”.
كتب تامر حبيب: "الأغنية دي كلمات راجل عظيم و مهم اسمه عصام عبدالله، الله يرحمه، واضح انه كان أحلى من الدنيا عشان كده مشي بسرعة سايب وراه كلام حلو قوي في اغاني كتير… في رأيي الشخصي انها من اجمل ما غنت انغام".
وتابع: “أنغام سمعت منه الكلام ده من سنين كتير و كانت لسة صغيرة، و قالتله عايزة اغني الكلام ده، قالها انتي صغيرة قوي علي غنا المعني ده، قالتله خلاص هآخد الكلام و اغنيه لما اكبر و ابقي قد غنا المعني ده… و قد كان خدت الاغنية وفضل الكلام عندها سنين مات وسطها عصام عبد الله، وكبرت أنغام و وصلت للسن اللي يسمحلها باستيعاب و فهم و هضم و الإحساس بمعنى الكلام، و غنيتها من كام سنة مش كتار .. ده اللي اسمه فن و ده اللي بيعيش للتاريخ”.
بينما علق ملحن الأغنية خالد عز، قائلاً: "لحنت لأنغام أكتر من ٥٠ أغنية تقريباً ولكن (بقيت وحدك) للشاعر العظيم عصام عبد الله كانت اكتر اغنية فيهم مختلفة بجد و فيها صور و معاني كتير تتوه معاها".
