محمد موسى يفتح النار على حمو بيكا: أنت بتسمي اللي بتقوله دا فن.. فيديو

فتح الإعلامي محمد موسى النار على مؤدي المهرجانات حمو بيكا، بعد تصريحه الأخير والذي قال فيه "أنا بقيت بقدم فن بيسمعني فيه ملايين، وكنت على باب الله مكنتش أعرف يعني إيه فيسبوك أو تويتر أو يوتيوب أو غيره من منصات مواقع التواصل الاجتماعي".

وقال محمد موسى خلال تقديم برنامج "خط أحمر" على قناة الحدث اليوم، "الأخ بيكا ولا سيكا من كام يوم كدة قال إنه ندمان على الكلمات الخارجة اللي قالها في المهرجانات التي طرحها خلال السنوات الماضية، عبر قناته الرسمية على يوتيوب"، مضيفا "واحدة واحدة بس يا عم بيكا.. فن إيه أنت بتسمي اللي بتقوله ده فن طب ازاي".

وأضاف الإعلامي محمد موسى، أن حمو بيكا يقول في مكان يذهب إليه "كل ما بروح في مكان بيسألوا ليه أستاذ هاني شاكر بيعمل معاكوا كده".