الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

والله ما هخلي فيك حتة سليمة.. اعترافات مثيرة لقاتل طالبة المنصورة

طالبة المنصورة والمتهم
طالبة المنصورة والمتهم

حصل صدى البلد على نص التحقيقات في قضية مقتل طالبة المنصورة نيرة أشرف، التي حملت رقم 11409 لسنة 2022 جنح أول المنصورة، وتؤكد التحقيقات أن المتهم باغتها بعدة طعنات ثم نحرها، وأنه كان يريد الارتباط بها، ‏ورفضت.

وقال المتهم عن رسائل التهديد التي أرسلها للمجني عليها احتوت تهديدات للمجني عليها وذلك على النحو التالي "عايزك تستعدي بقى للي هيحصل - مرسله بتاريخ  6 أبريل، ورسالة اخرى كتب فيها .. دانا هدبحك يا "عبارة سب وقذف"، ورسالة أخرى مضمونها.. اسهلي انتي حسابك معاي تقيل اوي بلاش تزديها عشان والله ما هسيب فيكي حته سليمه".

اعترافات مثيرة لقاتل نيرة أشرف

وأضاف المتهم قائلا: "فعلا انا كنت باعتلها الكلام ده وانا كنت ناوي على قتلها وازهاق روحها وكنت كل شوي بصبر نفسي بأي حاجة لغاية ما خلصت النهارده وخلصت عليها"..

وكشف المتهم عن الحوار الذي تم بينه والمجني عليها نيرة قائلا:" انا كنت بحاول اتكلم معاها بأي طريقه وكنت ساعات بهددها ان انا لسه معايا الحاجات بتاعتها وهبعتها للناس كلها وكنت بقولها انا لسه معايا مكالمتك ليا وانتي بتعترفي على كل حاجه بلسانك وعندي استعداد ابعتها للناس كلها، وساعات تانية كنت بتكلم معاها عادي بس هي كانت دايما ردها ناشف عليا، وأنا كنت بعمل حسابات كتيره علشان أكلمها لحد مانا بدأت ابعتلها secret message من على الانستجرام ،وانا كنت بعمل اكونتات كتير ومش متذكرها كلها ، وانا معملتش حسابات باسم المجني عليها على نحو يخل بشرفها ولا حاجة من الكلام ده بس هي افتكرت ان انا اللي عملت كده بسبب الخلافات اللي بيننا .