EN 
كتبت الفنانة سمية الخشاب عبر حسابها،"تويتر"، قائلةً: "مبسوطه أوي إنكم حليتوا، المادة اللي جايه عندكوا إيه وامتي؟ عشان لو في حاجه تبعتولي قبل الامتحان زي العربي كده وأنا معاكوا لحد ما تخلصوا، بحبكوا، وفخورة بيكوا".
وتابعت:" انتوا أغلى جيل على قلبي وواثقة فيكوا جدًا عشان بعيد عن التعليم، انتوا جيل واعي وانتوا المستقبل، ربنا يوفقكم في اللي جاي وانا هتطمن عليكوا بنفسي على طول".
وكان من تعليقات الشكر للفنانة سمية الخشاب:"مكنتش اتخيل إن ممكن في يوم أحل الأدب من تلخيص سميه الخشاب بجد "،"كله النهارده بفضل مراجعة الفنانه سميه الخشاب"،"حليت سؤال الأدب بسبب تلخيص سميه الخشاب".
من ناحية اخرى حرصت الفنانة سمية الخشاب ، على توجيه رسالة لـ طلاب الثانوية العامة ، من خلال تدوينة نشرتها عبر حسابها الشخصى بموقع تويتر .
وكتبت سمية الخشاب “ التعليم موهبه مش مهاره، عشان كده دايما بقولكم ارضوا باي نتيجه عشان اكيد جواكوا موهبه هتطلعوها فايا كان الcareer ايه ”.
ويذكر ان علقت الفنانة سمية الخشاب على واقعة مقتل طالبة جامعة المنصورة، بعدما نحرها شاب بسكين أمام بوابة الجامعة.
وكتبت سمية الخشاب: "أي حيوان بشري هيبرر أي تصرف إجرامي سواء تحرش أو قتل هيبقى مجرم زيه زي المجرم اللي قام بالتصرف ده".
وأضافت سمية الخشاب: "كفاية قرف بقى، والتعليقات الحقيرة اللي بتبرر دي بتدل إنه لو أي حد من الناس دي كون أسرة هيطلعلنا جيل وحوش مش بني آدمين، مكانهم السجن ومش المجتمع البشري".
