مفيدة شيحة مهنئة طلاب الثانوية العامة: ألف مبروك وفرحة النجاح متتوصفش

افتتحت الإعلامية مفيدة شيحة، حلقة اليوم السبت، من برنامجها الستات، المذاع عبر قناة النهار وان، بالتهنئة لطلاب الثانوية العامة. 

وخلال الفقرة قالت مفيدة شيحة:"ألف ألف مبروك لكل طلاب الثانوية العامة، والنتيجة ظهرت النهاردة وبقت متاحة إلكترونيا على المواقع، وطبعا فرحة النجاح متتوصفش، وفرحة الجهد والتعب والإنجاز، وهارد لك ومزيد من التوفيق بردو لكل الطلاب سواء اللي محالفهمش الحظ السنة دي أو مجموعهم مكانش على مستوى توقعاتهم". 

وأضافت مفيدة شيحة، أن :"طب عايز أديكم مثال عالم الكيمياء الدكتور مصطفى السيد اللي حصل على أعلى وسام أمريكي في العلوم ومكتشف علاج السرطان بجزئيات الذهب، قال انه منجحش اصلا في مادة الكيمياء بالثانوية العامة من أول مرة بسبب انه كان مشغول بفرح أخته وعاد الامتحان في إجازة نهاية العام.

وتابعت مقدمة برنامج الستات، أن :"ده مش بس كدة ده كمان مدخلش أي كلية من كليات القمة ودرس في مدرسة المعلمين العليا اللي كانت معهد عالي".