EN 
عبّر الفنان ياسر علي ماهر، عن إستياءه من تحريم بعض المشايخ للفن وانكار دوره المؤثر.
وقال ياسر علي ماهر، في تصريحات تلفزيونية: الشيخ شلتوت كان يقدم حلقات جنة ونار بصوته الشريف لوالدي الفنان محمد علي ماهر، وقال لو أن الأزهر يعطي دكتوراه لأعطيتها لك وأصر أن على والدي أن يؤم المشايخ .. الشيخ عبد الحليم محمود، كان أبًا مع الفنان وليسعدو، دلوقتي أنتم تحولتم إلى أعداء لنا، وبعدين أجي أعمل حاجة دينية تقولي لأ ده ممنوع، طب أعمل الفن اللي أنا أعرفه، تقولي لأ الفُحش،أرسوا لكم على بر، إحنا معاكم في مركب واحد، الكلمة تجمعك وتجمعني، الكلمة ليس مكانها المنبر فقط، الكلمة موزعة علنيا".
وأضاف: "إزاي ربنا أداني الموهبة عشان حد يحرمها عليا، ولو جيت عملت شعر يقولوا حرام، نستوعب ده إزاي؟، ولو الفن حرام ده معناهأنه مفيش لا سينما ولا مسرح ومفيش إحسان عبد القدوس ولا طه حسين ولا كل هذا التراث ولا يوسف شاهين وعلم مصر اللي عليه الصقر،وكل بنت لابسة بلوزة عليها عصفورة، ويبقى كل البرامج مفيهاش بنات، ونهد الحضارة والأهرامات والكباش وكل الشغل الفرعوني والمتاحفوالكورة، لأنها بتشغل عن ذكر الله، مع أننا لما بشوف جون بقول الله أكبر".
كما أضاف: "للأسف ظهر مجموعة من المشايخ لا يعرفون الفن والناس اللي بتصنع الأشياء دي هتأكلها منين، وبالنسبة للتمثيل على وجهالتحديد هضرب مثال لو أنت معاك سكينة قتلت بيها يبقى العيب في السكنية ولا فيك؟، فالفن المقياس حسنه حلال وقبيحه حرام لأن الفن منالفنون القائمة على الحق والخير والجمال .. أنت عارف إيه هيحصل من كلمة الفن حرام عرفت إيه الأثر؟ كل أصحاب المهن دي لازم تأكلها،هتهدم الحضارة بالكامل، مش اللغة المصرية القديمة بالرسومات، ده حرام يبقى مفيش اللغة الهيروغليفية القديمة ما هم بيرسموا".
