EN 
أحال المحامي العام الأول لنيابة جنوب الجيزة الكلية 5 متهمين الي محكمة الجنايات لاتهامهم بتصوير طفل عاريا بالصف في الجيزة بقميص نوم احمر وتهديده بنشر فيديوهات جنسية لخلاف نشب بينهم.
اقوال الطفل الضحية
س/ ما تفصيلات ما حدث ؟
ج/ اللي حصل اني كنت نازل اشترى طلبات وانا ماشی قابلنی ح. ن، س. م راكبين توكتوك فسلمت عليهم عشان هما اصحابی فقام الثاني شدني في التوك توك اللي سايقه الاول فأنا دخلت معاهم في التوك توك فبقولهم في ايه قالولی هنروح مشوار سوا واتقابلنا مع توك توك تاني راكبه ع.م ، م. ج وبعدين سبقونا واحنا مشينا وراهم وطلعنا عند حته اسمها المزرعه عند عزبه السلام في الصف وقابلنا واحد كان لابس عمة وجاكيت وملثم ولقيت الملثم ده زقنى ودخل قعد جنبي في التوك توك ومشينا شويه لمنطقه اسمها المزرعه ودخلونی جوا في ارض فاضيه مافيهاش زرع ونزلنا كلنا واتقابلنا مع ا.ع ونزلونا من التوك توك وقعدونا على ركبنا والملثم ده شتمنا كلنا وقال اللي معاه التوك توك يطلع برا وراح مشى ع.ف ، م.ج ، س.م وفضلنا في المكان ده انا والملثم وح.ن ، ا. ع والراجل الملثم ده لقيته بيقولى انتا منين قولتله من الصف راح قعد يشتم فيا وبعدين الملثم ده وا. ع فضلوا يضربوا فيا بالاقلام والبوكسات والراجل الملثم ده راح ربط ايديا الاتنين بأفزان بلاستيك وكان عايز يربطني من رجلي بس معرفش وبعد كده خلـوا ح.ن ياخد تليفوني وكان بينقل منه حاجات من عليه واتفاجئت أن ح.ن ضربني بردو برجله وراحوا بعد کده طلعونی اول طريق المزرعـه ولقيـت الست م. ع فيهـا بـردوا وقعدت تضرب فيا بالاقلام وهما كلهم ضربونی بردوا وانا فضلت اتحايل عليهم عشان يمشونى بس كملوا ضرب فيا وطلعوا
تليفون وخلوني أسجل تسجيلات واتأسف لبنت الست م. ع وبقولها ان احنا كنا بنتكلم مع بعض وراحوا خـدونی تانی جوا الارض اللي كنا فيها ودخلوا كلهم معايا ما عدا بنتها وبعد كده فكوني من الافزان وقالولي اقلع هدومك فقلعت هدومي كلها خالص وصوروني من غير هدوم خالص وبعد كده الملثم ده طلع كيس اسود كان معاه فيه قميص نوم احمر وا.ع لابسهولى قدام الست وبردوا صوروني بيه وبعد كده خلوني البس هدومي تاني وهددوني لواتكلمت الفيديوهات اللي صورها هيفضحوني وهيعملوا في كدا التي وسبوني ورحت جريت علي ابويا وحكيت اللي حصل ليه وروحنا المركز وعملنا محضر
س/ ما الفعل الي قامت به السيدة المذكورة ؟
ج/ هيا قعدت تشتم فيا وتضربني بأيديها وهددتني والراجل الملثم ده طلع المطواه من جبيه وطلع كتر وحطوا المطوه والكتر على رقبتي وخلوني عملت تسجيلات بالاعتذار اللي انا قولت عليها وبعد كده خدونی تانی جوا الارض الفاضيه كلنا ما عدا بنتها وهما فضلوا بضربونی ویشتمونی وقطعوا الافيز البلاستيك من ايدى وهددوني ان اقلع هدومي فانا كنت خايف وقلعت كل هدومی
أمر الإحالة
جاء بأمر الإحالة ان المتهمين خطفوا الطفل بطريق التحايل بأن اقتادوه بدراجة بخارية قيادة الرابع والسادس وبرفقتهم الخامس والسابع واستدرجوه لأرض فضاء باعدين اياه عن المارة و ذويه لخلاف استعر بينهم
كما اقترنت تلك الجناية بجناية أخرى أنه في ذات الزمان والمكان سالفي الذكر هتكوا عرض الطفل بالقوة والتهديد ابان ارتكاب الجريمة محل الاتهام الأول بأن حسروا عنه ملابسه ملبسين اياه قميص نوم احمر وهددوا الطفل عبدالله بإفشاء ونشر التسجيلات والصور المتحصل عليها من الجريمة محل الاتهام اللاحق في حال إبلاغه عما ارتكبوه من جرم
كما تعدوا على حرمة الحياة الخاصة للطفل بأن التقطوا له بالهاتف المحمول الخاص بالمتهم السادس مقاطع مرئية وصوراً بمكان خاص بغير رضائه وفي غير الأحوال المصرح بها قانوناً كما أن المتهمون من الأولى إلى الثالث والمتهم السادس ضربوا الطفل
فأحدثوا به إصابات والتي أعجزته عن أداء أشغاله الشخصية لمدة تقل عن عشرون يوماً وأحرز الثاني والثالث وحاز البقية بواسطتهما أسلحة بيضاء وأداة " مطواه – كتر -أفيز" بغير ترخيص ومما تستخدم في الاعتداء على الأشخاص بدون مسوغ من الضرورة المهنية
