EN
بكى الحاج محمد صادق، أحد المسنين، بسب سوء معاملة أبنائه له، «أولادي طردوني في الشارع ورفعوا ضدي قضية حجر واتهموني بالجنون بسبب الميراث، ومعنديش استعداد أقف قدام ابني في المحكمة».
وقال «محمد صادق» خلال لقائه مع الإعلامية نهال طايل ببرنامج «تفاصيل» عبر فضائية «صد البلد 2»،: «ولادي الثلاثة متكاتفين ضدي، ومش مصدق اللى عملوه فيا، حتى أنه كنت أعتبر ابنى الدكتور عيني اللي بشوف بيها».
وأضاف «محمد صادق»: «ابنى احمد قالي اثبت اننا خدنا منك فلوس، وقولت له يوم عرفة حسبي الله ونعم الوكيل علشان انا معملتش فيكوا حاجة وحشة، وراحوا لأخويا وقالو له انه انا لازم اروح مصحة عشان يثبتوا اني مجنون».
وتابع :«عمري ما اذيتهم وبعملهم اللى محدش عمله، وانا اللى جوزت ولادي وصرفت عليهم كل حاجة". «بلجأ للسلف من نسيبي وولادي مش سائلين فيا انا عايز بس ايجار الشقة».
