EN 
انتشر تحذير خطير من إحدى السيدات بمحافظة القاهرة لراكبي الأسانسير من جميع الفئات العمرية خاصة الأطفال في العمارات السكنية القديمة التي تحتاج للصيانة.
وقالت ولاء أبو ريا عبر صفحتها على "فيسبوك": "دايما لما بنطلب الأسانسير بيكون عندنا ثقة كبيرة قوى فيه مش فاهمة جبناها منين، خلو بالكم ياجماعة".
وأوضحت السيدة في تحذيرها: "احنا ممكن نبقي واقفين نتكلم في التليفون، مشغولين على الفيس واحنا مستنينه، بنركب واحنا مش باصين عليه اصلا".
وأضافت السيدة في تحذيرها: "المنظر اللي في الصورة دا حصل مع بنتي، طلبت الأسانسير واحنا في الدور ال٨، طلع فتحت الباب ومدت رجليها، لولا ستر ربنا".
تحذيرات بشأن الأسانسير
وتابعت السيدة في تحذيرها: "خدو بالكم ونبهو علي ولادكم يبصو كويس قبل ما يدخلو، انا بنتي رجعتلي بتترعش ومخضوضة ووشها اصفر زى اللمونة اقسم بالله انا رحت ابص روحى راحت، وتاني يوم لقيت شعرها بيوقع زى الثعلبة من الخضة".
وجاءت أبرز التعليقات على منشور السيدة كالتالي:
"جارنا توفي السنة اللي فاتت دخل برجله وشالوه من بير الأسانسير ..لله الامر من قبل و من بعد"
"الموقف دا بيحصل كتير ولازم اي حد ياخد باله"
"اصلا ده غلط ان باب اسانسير يفتح وهو مش قدام الباب ومعناها انه محتاج صيانة".
وتابع آخرون: "ياخبر أبيض ربنا يحفظها، الحمد لله قدر ولطف بيها المنظر صعب بصراحة أوي، ليها حق تتخض طبعا ربنا يسترها وبجد تسلمي انك نزلتي الصورة عشان الكل ياخد باله ربنا يطمنك عليها"، "ربنا يحفظها من كل شر ويبعد عنكم فواجع الاقدار".
