EN 
“هام جدا لصحتكم وصحة ولادكم والكلام دا على مسئوليتي الشخصية من واقع خبرتي والأمانة لأنه اللي هأكله لولادي هأكله ليكم”.. بهذه الكلمات بدأ شيف مطعم وتاجر فطائر حديثه محذرا محبي الفطائر الحادقة والحلوة من غش بانيه وزيتون وشيكولاتة منتشرة بالأسواق وبعض المطاعم التي يفتقر أصحابها إلى الأمانة، في مقطع فيديو منتشر منذ الساعات القليلة الماضية.
اكل مغشوش
وقال شيف الفطائر، ويدعى وائل صبري، في مقطع فيديو حقق ما تجاوز 5 ملايين مشاهدة خلال 10 ساعات عبر تطبيق “فيسبوك”: “الموضوع باختصار إنه فيه فرق بين أضرار لو زودنا في أكلات معينة أو مشروبات غازية أو طاقة، وفيه فرق بين إني أقلي لك بطاطس مثلا في شوية زيت، وإني أحط لك إزازة زيت كاملة في منتج أو بقايا معاد تدويرها، هنا بنعدي مرحلة الخطورة”.
وعرض الشيف في مقطع الفيديو الذي تبلغ مدته 10 دقائق نوعين من “بانيه فراخ كرسبي” معلقا: “هنا مفروم فراخ بانيه كرسبي تحمير عبارة عن فتات فيه هتلاقي سمين وأمور غير معروف لها وش من ظهر، وعرض آخر صحي بها لحوم بالفعل، أنا كتاجر ممكن أجيب الفتات اللي واضح إنه غير مضمون وغير مفهوم مكوناته بـ 17 جنيه فقط، ومن 15 إلى 25 جنيه عموما، ودا بيدخل في فطير أو كريب متاح بالأسواق، أما المضمون تقدره تفرقه بالعين، هتلاقي جواه نسيج لحمة مش فاضي”.
غش منتجات فطائر
أما بالنسبة للفرق بين الزيتون الصحي والمغشوش، فتابع شيف وتاجر الفطائر: "دا زيتون أخضر من جوه وبره، ودا زيتون أسود من جوه وبره، لكن النوع الثالث اللي بعرضه ليكم زيتون أخضر من جوه، وأسود من بره ((دا مصبوغ)).
واوصل تاجر الفطائر: “الحاجة الثالثة الشيكولاتة البيضاء (معروضة عليا جملة بـ 23 جنيه، ومضاف ليها كتلة زيت مضر وبعض المطاعم بتزود عليه كمان زيوت بالأضعاف، ومطعم شهير بيشتغل بيها، أنا مش بتكلم عن الشيكولاتة أنا بتكلم عن الزيت”.
