EN 
حرص الفنان عمرو رمزي، على شرح قصة صورة جمعته بالزعيم عادل إمام بمناسبة عيد ميلاده اليوم.
ونشر عمرو رمزي، من خلال حسابه الرسمي على “الفيسبوك” صورة مع عادل امام وعلق عليها قائلاً: “ايه حكاية الصورة دي في مسلسل فرقة ناجي عطالله للاستاذ عادل امام واحنا في بيروت بنصور مشاهد الجبال اللي هربنا ليها بعد عملية البنك كنا بنصور في بيت لبناني جميل قووي”.
وتابع قائلاً: “اخدنا استراحه عشان ناكل حاجه بعد الغدا ء فجأة الاستاذ عادل قاللي البرنامج بتاع حيلهم بينهم كان بيضحكني قوي انت كنت غلس قوي ياواد بس عملت ضحك بتاعك لوحدك والله فاكر الكلام دا بالحرف قلتله يااستاذ دا حته برنامج مش فيلم سينما قاللي هي دي عبقريته ياعبيط و هيعيش كتير جدا”.
كما اضاف: "فانا شيطاني قاللي طيب ما نهزر شويه. قلت له يا استاذ طب ماتيجي نعمل حيلهم بينهم سوا .. قاللي انت عاوز تاخد لقطه وحركات يعني قلتله اه صراحه
وجابولنا الكراسي وقعدت حطيت رجل علي رجل قداااام عاااادل اماااام وقالهم يالا صورونا اتمطعت وقلت 3. 2. 1
ورحت قايله ليه كل اعمالك فشلت و تييييييييييت .. كل سنه وانت بالف خير وصحه يازعيم الضحك في العالم".
يذكر أن وجهت الفنانة لبلبة رسالة الى الفنان عادل، إمام بمناسبة عيد ميلاده ، مؤكدة أنه يعد أيقونة فنية وفخر للفن العربى ككل.
وقالت لبلبة فى تصريح خاص لـ “صدى البلد” : كل سنة وانت طيب يا عدولة يا زعمنا.. تشرفت بالعمل معك فى عديد من الاعمال السينمائية والتليفزيونية وكنت محوظة بالعمل معك واستفدت كثيرا من جماهيريتك.
