EN 
كتبت الإعلامية أسما شريف منير، منشورا مطولا لها عبر حسابها الرسمي بتطبيق انستجرام، علقت فيه على مناسبة عيد الأم التي توافق اليوم الخميس 21 مارس.
وقالت أسما شريف منير: «الحقيقة يوم عيد الأم ده يوم مؤلم اوي بالنسبالي رغم ان امي توفت من ٢٠٠٧ يعني من ١٧ سنة، بس لسه وحشاني بفتقدها في حياتي و كنت اتمني تكون جنبي في حاجات كتير، كان نفسي تشوف لارا، كان نفسي اعيش معاها و تملي عليا البيت و اخدمها و ادلعها زي ما عملت معايا و تعبت معايا، ربنا يرحمك يا امي و يدخلك فسيح چناته».
وتابعت أسما شريف منير: «بس عشان ربنا كريم أنا عندي دلوقتي مش ام واحده عندي ٥ (ماشاء الله) ربنا يحفظهم و يبارك في عمرهم و يخليهم ليا العمر كله، اللي بتدافع عني و اللي بتدلعني و اللي بتحضني و اللي بتأكلني و اللي بتسأل عليا و اللي بطبط عليا و اللي بتطمن اني كويسه كل ست في الستات العظيمة دي، عوض كبير ليا و عيلتي و حبايبي و اهم ناس في حياتي، بحبهم من قلبي و اعمل اي حاجة في الدنيا عشان أشوفهم سعداء».
واستكملت أسما شريف منير، قائلة: «بحبكم كلكم و شكراً علي وجدكم في حياتي (حنونه، اموله، ميمي، سوسو و بسبوسة) عوض كبير ليا بعد امي حبيبتي و نور عيني».
وأضافت أسما شريف منير: «و علي فكره زي ما هما إمي أنا ساعات كمان بكون مامتهم عشان هما كلهم cute اوي..يا رب يا لارا اكون ام صالحه ليكي و يفضل في قلبك حب ليا و لين قلبك عليا لما اكبر او تختلفي معايا او تزعلي مني..بحبك يا نور عيني واحلي بنت في الدنيا كل سنة و كل ام طيبة و جدعه و جميله و حموله… ربنا يسعدكم و يقويكم و خليكم لأولدكم يا رب».
أسما شريف منير وحلاقة شعرها
وعرضت قناة العربية مصر تقرير فيديو بعنوان: "أسما شريف منير تحلق شعرها مجددًا: "المظهر عاجبني ومريح بالنسبة لي".
وجاء في التقرير أن الفنانة والإعلامية أسما شريف منير، ظهرت بدون شعر، وقالت في فيديو أن هذا الشكل تسبب في راحتها.
