هنكون أفضل مهاجم ومدافع في مصر| إبراهيم سعيد لميدو: الإرادة حلوة

وجه إبراهيم لاعب الأهلي ومنتخب مصر السابق على أنباء عودة احمد حسام ميدو للملاعب مرة أخرى بعد اعتزاله من 11 سنة.

وقال إبراهيم سعيد خلال تقديمه برنامج بلس 90 المذاع على قناة النهار:" ميدو أحمد حسام ميدو أو العالمي كابتن احمد حسام ميدو، مرة واحده كده لاقينا اخبار كابتن أحمد حسام يرجع للملاعب .. والله انا واحد من الناس كنت فاكر الموضوع دعابة.. بس حلو الإرادة على فكرة أنا بحب كده جدا أي كان بقى هو عايز يرجع ولا عايز يلعب".

وأضاف: «أنا سمعت كلام إن ميدو جايله عرض من نادي القناة، واتبعتله عرض بشكل رسمي كمان، معرفش هل فعلا هو مستعد؟، ممكن يكون عاوز يرجع يثبت وجوده، هو يرجع وأنا هرجع».

وتابع: «ميدو بيجشعني إني أرجع للملاعب أنا كمان، لأن بصراحة الحالة اللي موجودة تشجع إن الواحد يرجع، لأن الجيل بتاعنا أحسن من الكواليتي الموجود، يعني مثلا مفيش حاليًا حد أحسن من ميدو في مصر، مفيش أحسن من أبوتريكة في مصر، مفيش أحسن من أحمد حسن أو حسام حسن، هو ده اللي بيشجعني».

وأتم: «والله أنا بفكر أرجع أنا كمان، وميدو بيقول بقاله سنة بيتمرن، أنا بقا محتاج 15 يوم فقط والملعب يحكم».

واكد: " لو الإرادة عندك كمل والله لو ميدو رجع هيكون أحسن مهاجم في مصر، وممكن انا أرجع ونلعب ضد بعض أنا وهو، ونروح منتخب مصر وكابتن حسام يبصلنا وأبقى كابتن المنتخب بس دي هتزعل صلاح، وميدو هيكون أفضل مهاجم لمصر وهداف الدوري، وأنا لو رجعت هكون أفضل في مصر وإفريقيا كمان".

ميدو يفجر مفاجأة ويعلن عودته لاعبا في الدوري المصري

وكان قد تحدث أحمد حسام ميدو لاعب الزمالك ومنتخب مصر الأسبق، عن رغبته في العودة إلى ممارسة كرة القدم مرة أخرى، بعد 11 عاما من الاعتزال.

وقال ميدو في تصريحات عبر قناة "أون تايم سبورتس": "أفكر في العودة إلى ممارسة كرة القدم، لأن رحلتي لم تكتمل، "أنا هرجع تاني" وأراهن أنني لو عدت في الدوري سأسجل 10 أهداف".

وأضاف ميدو في تصريحاته: "سألتحق بأحد أندية الدوري المصري الموسم المقبل، وسأخوض فترة إعداد وأنا جاهز بنسبة 60%".

وتابع: أنا لم أعتزال كرة القدم، ولكن حصلت على فترة راحة لمدة 10 سنوات، والتي استفدت منها في الحصول على خبرات كبيرة بمجالات المختلفة.

وأضاف: أتدرب في الفترة الحالية مرتين أو ثلاثة كل أسبوع، وأعمل بقوة للتواجد مع أحد الأندية في الدوري المصري الموسم المقبل بنسبة كبيرة".

واختتم ميدو تصريحاته بأنه يتدرب مع فريق الشباب في نادي الزمالك بالوقت الحالي، موجها الشكر إلى بدر حامد الذي سمح له بالمشاركة في التدريبات.