‫ مجنون بالنادي.. مدرب منتخب مصر السابق يعلق على إعلان الأهلي الجديد

علق محمود فايز، المدير الفني السابق لمنتخب مصر، على إعلان النادي الأهلي الجديد، والذي اعتبره الزمالك مسيئاً له ولجمهوره.

وكتب محمود فايز عبر حسابه على فيسبوك: "حالا لسه متفرج على الإعلان الجدلي، أقسم بالله العظيم أول لحظة ما خدت بالي أصلًا من عربية الإسعاف صاحبة المشكلة".

وتابع: “موضوع الولد المجنون (أحمد كمال) هو يوتيوبر (بتاع أفلام) وأصلًا أهلاوي متعصب.. شاب ظريف ودمه خفيف.. هو نفسه بيغني.. بيقول الأهلي حالة… فهمتها إنه مجنون بحب الأهلي زي ما أنا بشوف فيديوهاته في الحقيقه وردود أفعاله الانفعاليه الظريفه مع ناديه.. وبعد كده في آخر الإعلان أحمد نفسه بيجري تاني وبيغني وبيقول (الأهلي حاله وأحب غيره ده استحاله)”.

وأضاف: “حالة من الجنون بحب ناديه.. ده اللي فهمته والله من أول وهلة”.

وأكمل: “بس الشركة نفسها ضربت كرسي في الكلوب بازالة الإعلان من على كل المنصات.. كاد المريب أن يقول خذوني… رغم إن الإعلان فعلًا لذيذ وكلماته حلوه.. بعيدًا عن اللقطة الجدلية.. احترامنا مطلق لنادي الزمالك وجمهوره ومفيش فيه جدال ولا شك”.

https://youtube.com/shorts/kNy_2e1J95E