EN
علق الإعلامي أحمد شوبير على ما يتردد بشأن وجود تدخل من النادي الأهلي في أزمة خوان بيزيرا، لاعب الزمالك، ومحاولة التأثير على النادي الراغب في التعاقد مع اللاعب البرازيلي.
وقال شوبير، عبر «راديو أون سبورت»: «بدأ البعض يقولك إن أصل النادي الأهلي هو اللي لاعب في دماغ النادي اللي هيشتري خوان بيزيرا.. الأول كان لاعب في ودن أو في دماغ بيزيرا، فما مشيتش، قالك طيب اللي لاعب في دماغ النادي اللي بيفاوض بيزيرا».
وسخر شوبير من هذه الاتهامات، قائلًا: «ده لو كده بجد، ده النادي الأهلي جامد قوي قوي إنه مسيطر على لودوجوريتس في بلغاريا عشان حسام عبد المجيد، ومسيطر على مش عارف نادي فين عشان بيزيرا».
وأضاف: «أنت لازم تواجه مشاكلك، القصة واضحة».
وأشار شوبير إلى ضرورة التعامل مع أزمة بيزيرا باعتبارها ملفًا خاصًا بالزمالك واللاعب، دون البحث عن أسباب خارجية لتفسير تعثر المفاوضات أو استمرار الأزمة.
