EN
هاجم الاعلامي أحمد شوبير نجم الاهلي والمنتخب السابق ملف الصفقات الخاص بلاعبي الفريق الأول لكرة القدم داخل النادي الأهلي.
وقال شوبير عبر قناة النهار: "أنا قربت أتجنن.. فيه ناس بتقول إن عموتة طلب 3 صفقات في يناير.. هنجيب 11 صفقة ولا إيه؟ هو كل سنة هنغير 11 لاعب؟"
واضاف: "أكبر أندية العالم مبتعملش كم الصفقات ده، وبتكتفي بصفقتين أو تلاتة".
وتابع: "قائمة الأجانب مقفولة وخلصانة.. هتمرن 40 لاعب في التدريب ولا إيه؟ اللي ميشوفش من الغربال يبقى أعمى."
وأكمل: "في اليمين عندك ما شاء الله محمد هاني وأحمد عيد وكريم فؤاد."
