شيرين تعتذر لـ"عمرو دياب" .. فيديو

نشرت الإعلامية نضال الأحمدية، رسالة الفنانة شيرين عبد الوهاب والتى تعتذر فيها عما بدر منها فى الفيديو المسرب من حفل عمرو يوسف وكندة علوش والذى أساءت فيه لبعض رموز الفن واعتبره البعض أنه موجه الى الميجا ستار عمرو دياب.

وجاء نص الرسالة التى بعثتها شيرين الى نضال الاحمدية ونشرتها الأخيرة عبر صفحتها على موقع التواصل الاجتماعى فيسبوك قائلة :"بصي يا روح قلبي، على فكرة مفيش حد كبير على الغلط، أنا عايزة أوضح لك إن أنا كنت ساعتها بهزر، وكل واحد من اللي اتكلمت عليهم، قيمته كبيرة عندي، وأنا كنت في حفلة خاصة، وكنت بهزر، لكن لما بطلع على (التي في) بدي لكل واحد قيمته، ومستحيل أتطاول على حد أيًا كان، حتى لو كان حد بيكرهني أو أنا بكرهه، مستحيل أطلع أهزق حد ولو تلاحظي حتى في الفيديو أنا قايلة على نفسي وعلى أصالة، يعني أنا كمان غلطت فيا وفي أصالة، فأنا كنت ساعتها بهزر، وكنت مبسوطة، وفي حفلة خاصة يعني".

وأضافت شيرين، في رسالتها، قائلة: "في الآخر مفيش حد كبير على الغلط، ومفيش حد كبير على الاعتذار وأنا مش عايزة حد يزعل مني على فكرة، هرجع وأقولك تاني، أنا والله العظيم وحياة بناتي أنا نيتي ماكنش فيها أي حاجة وحشة، ولا أنا بقلل من شأن حد، أنا كنت بهزر، بدليل إني هزرت عليا وعلى أصالة اللي كانت موجودة، وقاعدة على نفس الترابيزة اللي أنا قاعدة عليها".