والدة شهيد كفرالشيخ: كلمنى وقالى أنا رايح ومش راجع تانى .. وهاموت شهيد

سادت حالة من الحزن الشديد والألم على أسرة الشهيد مجند حمادة عبد الباسط محمد أبو سعيد، 21 عامًا، ابن قرية المناوفة التابعة لمركز الحامول والذى استشهد خلال حادث التفجير الإرهابى، الذي وقع مساء أمس، برفح بمحافظة شمال سيناء.
انهمرت الحاجة عزيزة والدة الشهيد فى البكاء قائلة:«حمادة كلمنى فى آخر مكالمة يوم الأربعاء اللى فات وقالى يا أما يا حاجة .. يا حبيبة قلبى أنا رايح مأمورية ومش هارجع تانى.. أنا هاموت شهيد.. كل يوم بينضرب علينا نار».
وأضافت والدة الشهيد حمادة عبدالباسط:«كان نفسى ابنى يتجوز ويفرج بشبابه.. بس الحمد لله.. هو يتجوز فى الجنة.. حسبى الله ونعم الوكيل فى الكفرة القتلة اللى معندوهمش إسلام ولا دين».
ووجهت الحاجة عزيزة، والدة الشهيد نداءً إلى الرئيس عبدالفتاح السيسى:«عايزة حق ولدى اللى راح وكل زمايله».