بالفيديو..السيسي لوزير الداخلية: "مش هينفع نهين المصري..والشرطة مش كلها وحشه"

وجه الرئيس عبد الفتاح السيسي حديث إلى وزير الداخلية اللواء مجدي عبد الغفار خلال كلمته بمسرح الجلاء بمناسبة إطلاق رؤية استراتيجية التنمية المستدامة 2030، «إحنا مش هينفع نهين المصري، وهما لازم يعرفوا وكلنا نعرف إننا كلنا واحد ودي بلدنا».
وتابع الرئيس حديثه :«وبالمناسبة، الحق مش إن الناس تنظر الظالم يعني، لأ لو حد فينا غلط يتحاسب ده ملوش علاقه بالباقي، يعني أنا أقدر أقول يعني لو حد فى الإعلام غلط يبقى كله وحش، وبرضه الداخلية لو حد غلط مينفعش يبقى كله وحش».
ووجه الرئيس حديثه لمؤسسات الدولة قائلا:«انتوا جزء من البلد دى ومسئولين عن أمنها وسلامتها وعلاجها، ولازم تخلوا بالكوا منها وتشوفوا الواقع، وبينا كلنا نقدر ننهى مشاكل كتير، ولازم نسمع بعض ونتفهم بعضنا البعض، والحكومة والإعلام ومنظمات المجتمع المدني محتاجين مجهودهم عشان نقوى النسيج الوطني».