هشام النعال يكتب: تاية يا بلدي

تاية يا بلدى.......... والتوهه ضلمة

الغدر مالى ضحكتك ........ وفرحك نهايته غمة

يا ما ناديت وقولتلك يامه

بلاش تحرمينى من الحضن والضمة

وكل مرة تكسفينى

كل مرة بتهنينى

كل مرة تحسسينى انى رمة

ارجع من تانى ابوس ترابك

وانسى سنين عذابك

وامسح دموع عتابك

وحياة اللى جابك

تصفيلى مرة

تايه يا بلدى فى زحمتك

ونعمتك

محرمة عليا

وخيرك اللى زرعه بايديا

توزعيه على الحرامية

وان طلبت منك شوية

تفكرى الف مرة

ونهارى ما تدى

تدى حبوب اسية

كفاية اسية

عندى مليون شوال

واخدهم منك هدية

يا بلدى ....

انا وولدى

هنروح فى الف داهية

وربنا يعوض عليا

ومبروك عليكى الحرامية