EN
أكد الرئيس عبدالفتاح السيسي، أنه من أجل أن تصبح مصر مركزا إقليميا للغاز يجب إنشاء مراكز لتسييل الغاز وتجهيزه للتصدير.
وأضاف"السيسي"خلال كلمته :"وفيما يتعلق بقضية الغاز بفضل الله جابنا جون يا مصريين، مصر وضعت رجلها لكي تكون مركزا إقليميا للطاقة في المنطقة العربية، اطمئنوا يا مصريين احنا جاهزين لنكون أكبر مركز إقليمي للطاقة فى منطقة الشرق الأوسط".
وأوضح الرئيس:"مصر عشان تبقى مركز إقليمي للطاقة في المنطقة، في 3 خيارات، إن التسهيلات دي تقام في الدول اللى تمت فيها اكتشافات الغاز في قبرص أو لبنان أو إسرائيل أو مصر، طيب ازاي مصر تبقى مركز إقليمي، احنا عندنا تسهيلات ومنشات مش موجودة في دول كتير في منطقة المتوسط أو على الأقل الدول اللي بنتكلم عليها دلوقتي، وبالتالي الغاز المكتشف في قبرص وإسرائيل ولبنان وغيره، يا إما يطلع عن طريق تركيا يا إما يطلع عن طريق الدول ا لمنتجة بنفسها يا إما عن طريق مصر، مصر فيها قانون ينظم تجارة الغاز في مصر، يسمح للقطاع الخاص استيراد الغاز عشان يبقى السوق حر في تداول الطاقة".
