أبوحامد: مرسى أدخل مصر فى "حكم ديكتاتورى"..وحكومته "غير مؤهلة"..وجماعته "أساءت للإسلام"

دعا محمد أبوحامد مؤسس حزب حياة المصريين والبرلمانى السابق، جموع المصريين للمشاركة غداً فى مظاهرات إسقاط الإعلان الدستورى ، لافتاً إلى أن مسيرة الحزب و مبادرة كن فاعلاً ستتحرك مع مسيرة دوران شبرا غدا فى الساعة 4 و التحرك الساعة 5 إلى ميدان التحرير.
وقال أبوحامد فى تغريدات له عبر موقع التواصل الاجتماعى"تويتر": " عشان إعتداء مرسي على القضاء و تحديه للقانون و الدستور، وعشان الإعلان الباطل إللي سماه مرسي دستوري و إللي هيخليه يحكم مصر لوحده كأنه إله و إللي هيدخل مصر في حكم دكتاتوري لازم ننزل بكرة ضد الإخوان ".
وأضاف :"عشان اللجنة التأسيسية الباطلة إللي مرسي عايز يحصنها عشان تعمل دستور طائفي يرجع مصر لعصور الظلام لازم ننزل بكرة ضد مرسي ، و عشان الحكومة الغير مؤهلة الضعيفة إللي غرقت الدولة في المشاكل و الإهمال و إللي إتسببت في قتل أطفالنا في أسيوط لازم ننزل بكرة ضدهم ،وعشان متاجرتهم بالدين و إساءتهم للإسلام و تزويرهم لوعي الناس و أفكارهم و تقسيمهم للمجتمع و تشويههم للتاريخ لازم ننزل بكرة ضد الإخوان"
وأوضح أبوحامد أن النزول لمواجهة الإخوان المسلمين ضرورة ، تقتضيها المصلحة العامة للوطن مشيراً إلى أن مكتب الإرشاد هو الحاكم الفعلى لمصر.