EN
هاجم محمد نصر المخرج التليفزيوني مجلس إدارة نادي الأهلي بسبب سوء اختيار صفقات الفريق الجديدة خلال فترة الانتقالات الصيفية.
كتب محمد نصر عبر حسابه الرسمي بموقع التواصل الاجتماعي " فيسبوك " : "مش فاهمك ياأهلى هو انت مستنى اللعيبة الى بتعشقك ومش عايزه غير الفانلة الحمراء ومش فارق معاها ملايين حتاخدها من نادى تانى مش فاضل غير انها تيجى تديك فلوس علشان تلعب معاك.
وأضاف: "حسين الشحات ده صفقة المواسم مش الموسم فرطت فيه علشان ٢ مليون زيادة ولسة شاريك يا اخى لم مننا وأشتريه من العين.
#عبد الله البكرى قال رغبتى الاولى الاهلى ومحدش يقولى سموحة طالب ملايين خلاص ده بقى عادى
#رامى صبرى حيبيع هدومه وييجى الاهلى
#كهربا اهلاوى اكتر من جماهير الاهلى وفرطنا فيه ولسة فى عقده سنتين ولسة شاريك
#مهند لاشين لعيب بيموت فى تراب الاهلى بس قالو له معلش عندنا كتير منك
#محمود متولى حاليا عايز الاهلى باى شكل واتحدى
#الجديد بقى ان فيه لعيبة معاك مش شارياك اساسا وحتمشى مع اول إشارة بالملايين وممكن للزمالك كمان علشان يقولك الفلوس اهم حتى لو روحت لمنافسك الاول.
وتابع: اشترى اللى اشتراك وطلع فلوسك لازم الملايين لغة الكورة للاسف حاليا للعيبة معظمهم وليس كلهم لا يستحقون آلاف وليس ملايين ولكن لام تعتمد على شبابك والتدعيم فى أضيق الحدود وليد_سليمان الاحترام عنوان و حسين_الشحات الرجولة عنوان".
