سكان فيصل يشكون انقطاع المياه: بنعاني ومفيش مسئول بيحل

أرسلت أحلام محمد زكي، رسالة لموقع «صدى البلد» الإخباري، تشكو فيها المعاناة التي يعانيها سكان منطقتي الهرم وفيصل بمحافظة الجيزة من الإنقطاع المستمر لمياه الشرب، يوميا.

وقالت أحلام في رسالتها، «المياه بتقطع عندنا يوميا من الساعة 2 ظهر كل يوم، حتى الساعة 2 فجرا، وبقالها أكتر من شهر خاصة في تقاطع شارع الثلاثيني الجديد مع الصرف الصحي بمنطقة عزالدين عمر».

وأضافت: «اشتكينا كتير ومفيش حد بيرد علينا أو بيحل المشكلة.. وكل ما نتصل بالشركة يشغلولنا أغاني انتظار وفي الأخر مفيش حد يرد علينا»، وتابعت: «كلنا بنعاني ومفيش مسئول حاسس بينا أو بيحللنا المشكلة ويوفر لنا المياه».