جالنا حساسية ومحدش بيسأل فينا.. أهالي بطن الجبل بمسطرد يشكون تراكم القمامة.. صور

«جالنا حساسية وولادنا بتموت ومفيش حد حاسس بينا.. الزبالة ماليه الشوارع، ومفيش مسئول بيتحرك رغم اننا بندفع فلوس نظافة شهريا»، بتلك الكلمات بدأت أم محمد رسالتها لـ«صدى البلد» تشكو من انتشار القمامة والمخلفات بالمنطقة، وغياب تام لمنظومة النظافة في منطقة مدينة أبو بكر الىصديق، والمعروفة ببطن الجبل بالشارع الجديد بمسطرد، بالقليوبية.

وقالت في رسالتها التي بعثت بها لـ صدى البلد: «ابني عنده حساسية صدر.. وبندفع فاتورة نظافة شهريا 24 جنيه علشان نلاقي نظافة ومفيش حد بيسأل فينا ولا بينظف، ولا الزبالة بتترفع من مكانها».

وأضافت «من كتر الزبالة ما بقت منتشرة في كل مكان.. الناس بقت بترمي الزبالة في شركة الكابلات، ومن فترة كبيرة مشوفناش حد بيشيل الزبالة، مضيفة: «ريحة الزبالة جابت لنا الأمراض، ومفيش حد بيتحرك علشان خاطر أطفالنا رغم اننا بندفع فلوس».

ويقدم موقع "صدى البلد" الإخباري، خدمة لاستقبال شكاوى القراء والعمل على حلها مع المسئولين من خلال الخط الساخن 5731 أو من خلال رقم الواتس آب 01025555056