بالفيديو.. أبوإسلام لـ"نادر بكار": "أوعى تنسى نفسك ولِم لسانك شويه.. وده إنذار أخير"

حذَّر الشيخ أبوإسلام، نادر بكار المتحدث الإعلامي باسم حزب النور السلفي، من المساس بشيوخ الدين الإسلامي، واصفًا إياه بأنه "فتنة" ولكنه لن ينشغل به في الوقت الحالي.
وقال أبوإسلام: "بلاش يا نادر أنك تتكلم عن أي حد من أطراف العمل الإسلامي خلال الـ 50 يومًا الجايين دول، أنت أصبحت فتنة بس أنا مش عاوز أنشغل بيك، وعمّال تطيح في الحراك الإسلامي وكل ده مُجاملة للعلمانيين والليبراليين، وعلى طول بتظهر في القنوات بتاعتهم".
وأضاف "أبو إسلام" خلال برنامجه على قناة "الأمة" قائلاً: "خليك إنسان مؤمن، أنا بعتبر أن ده إنذار أخير، احفظ لسانك، وأوعى تنسى نفسك".