EN
قال الدكتور محمد طه، أستاذ الطب النفسى، إن الشخصية الموسوسة تعتبر شكلا من أشكال الاضطرابات النفسية، لافتا إلى أن هذه الشخصية يكون لها بعض السمات.
وأوضح "طه"، خلال استضافته ببرنامج "رأي عام"، المُذاع عبر فضائية "تن"، أن الشخصية الموسوسة يكون تفكيرها جامد وليس به أي مرونة، معقبا: «الشخصية دي بتحب كل حاجه تكون بالظبط وتكون مترتبة 10 على 10».
وأشار إلى أن الشخصية الموسوسة تلوم الأشخاص المحيطين بها كثيرا، متابعا: «دائما يلوم اللي حواليه وينقده ويحسسه بالذنب والتقصير، إلي جانب إن هذا الشخص لا يستطيع أن يعبر عن مشاعره ومتحفظ جدا عليها».
وأضاف: «الشخصيات الموسوسة بتكون مهووسه بالكتنرول، لازم تحس إنها بتعمل كنترول علي كل حاجه، ويسعي دائما للمثالية والكمال»، لافتا: «الأشخاص دول دائما ناجحين في شغلهم علشان بيعملوا كل حاجه بالتفصيل وبيهتموا بيها، بس من جواهم بيكونوا عايشين في عذاب، ومفيش حد بيحس بالعذاب دا قد صاحبها».
وتابع أستاذ الطب النفسى: «علشان نتعامل مع الشخصية دي، في الأول لازن نلتمس لهم الأعذار، علشان الشخصية دي بتبقي صعبة في المعاملة، بس من جواها بتكون هشه جدا، علشان غالبا اتربت بطريقة إنها مش راضية عن أي حاجه، وأطلب منها بمنتهي الحنية والتفاهم إنها تتعالج».
