EN
حل الفنان أحمد فلوكس وزوجته هنا شيحة، ضيوفًا على برنامج أنا وبنتي"، المُذاع عبر فضائية "أون إي"، في أول ظهور إعلامي بعد زواجهما.
روت هنا شيحة قصة ارتباطها بالفنان أحمد فلوكس، قائلة: «إحنا نعرف بعض وزملاء، واتقابلنا زمان جدا، والحياة مشيت، واتقابلنا تاني في مسلسل نصيبي وقسمتك الجزء الثاني».
وتابعت: «حصلت مشكلة في التصوير، بسبب عدم التحضير، وكان دورنا في المسلسل إننا بننصب على بعض وإننا بنحب بعض.. غالبا حبينا بعض بجد في المسلسل».
وأضافت: «الحب حصل في التصوير، كان فيه مشهد المفروض بنعمله في عربية، وإحنا اتفقنا إننا لازم نعمله جوا المكان، وأحمد اقترح اننا نكون بنرقص في المشهد دا، واحنا بنرقص كان بيقولي حاجه وشدني، أنا قلب وقع في رجلي، وكنت مبسوطة إن اللحظات دي موجودة في الكاميرا».
وقال أحمد فلوكس، إنه بعد انتشار الأخبار التي تفيد بارتباطه بـ هنا شيحة، طلب من هنا الزواج لترد قائلة: «أنا مش جاهزة دلوقتي».
وأضاف فلوكس: «بعد انتشار الأخبار لمدة شهرين إننا نتجوز، بعد ما قالت لي أنا مش جاهزة في التليفون، نزلت روحت لها، وكانت متوترة وكانت عايزة تراجع قرار ارتباطنا».
وقال: «بعدها بأسبوع وإحنا بنتعشى في مكان، فجأة قالت لي أحمد إحنا هنكتب الكتاب بكرا»، لتوضح هنا قائله: «انا فاجئته بالقرار دا علشان صحابي كانوا هيسافروا وقولت لازم نكتب كتب الكتاب بكرا في البيت عند أبويا».
وتابع فلوكس: «أنا إتجوزت في 10 ساعات لدرجة إن قبل كتب الكتاب كنا ناسيين نكلم المأذون، وكنا ناسيين نجيب الدبل».
