EN
علقت الإعلامية ريهام سعيد، على ممارسة الفنانة دينا، للرقص مرة أخرى، عقب عودتها من أداء العمرة.
وقالت، خلال تقديمها برنامج "صبايا"، المُذاع عبر فضائية "الحياة"،: «الراقصة دينا نزلت صورتها وهي رايحة العمرة وكانت فرحانة أوي ولابسة الحجاب، وكان فيه ناس كتير بتنتقدها.. الناس دي مكنتش بتشتمها أما كانت بتنزل صورها ببدلة الرقص».
وأضافت : «هي الناس دخلت قلب دينا علشان تعرف إنها رايحة العمرة علشان تمثل، وقررتوا إن ربنا مش هيتقبل منها».
واستطردت: «أنت ماتعرفش خاتمتك هتكون إيه، وخاتمة دينا هتبقي إزاي، ومتعرفش ربنا هيتقبل منها إيه، ومش هيتقبل منك إيه، وبقينا قضاة علي بعض ونقرر ربنا هيتقبل إيه ومش هيتقبل إيه».
ودعت قائلة: «ربنا يتقبل منك يا دينا يا حبيبتي يارب».
