بالفيديو.. متحدث "الحرية والعدالة" لعزة مصطفى: "خليكي منطقية".. والإعلامية ترد: "ما تيجي تقعد مكاني"

نشبت مشادة على الهواء بين الدكتور طارق المرسي، المتحدث الرسمي باسم حزب الحرية والعدالة، والإعلامية عزة مصطفى في برنامج "استوديو البلد" على قناة "صدى البلد" بسبب مشاهدة مصرية تدعى "أم خالد" من الإمارات هاجمت الإخوان المسلمين والرئيس محمد مرسي وقالت إنه لم يحقق شيئًا حتى الآن.
وقال المرسى للإعلامية عزة مصطفى:" تسألينها عن مشروعات في مصر وهى في الإمارات وهى دي أسئلة اللي إنتي بتسأليها دي.. خليكى منطقية في الأسئلة اتعلمتي الكلام ده منين؟".
فردت عليه قائلة: "ما تيجي تقعد مكاني، ودي أسئلتي ويا سيدي إحنا بنروج للمشروع بتاعك علشان يوصل للإمارات"، ورد المرسي: "طيب اسأليها هى بتمطر في أسوان ولا لأ وهترد عليكي لأنك متصلة بيها وعارفاها".
هنا انفعلت عزة مصطفى وقالت: "بص يا دكتور طارق الزم حدودك في الكلام وإنت قاعد على الكرسي قصادي وإحنا ما بنتصلش بحد"، ورد عليها المرسي قائلا: "أنا ملتزم وكويس جدا وياريت تسأليها أسئلة منطقية".