EN
ألقى الدكتور علاء جانب، الأستاذبكلية اللغة العربية بجامعة الأزهر بالقاهرة والملقب بأمير الشعراء، قصيدة شعرية لمدح الطالبة الأزهريةمن حفل كلية الدراسات الإسلامية والعربية للبنات قسم الشريعة الإسلاميةبقاعة الأزهرللمؤتمرات.
وجاءت أبياتالقصيدة كالآتي :
ح يقولولك أزهرية...
يعني مالها الأزهرية...
أيوه جاحدة ومفترية
بنطلونك مش محززق
والكلام ناشف ومش حلو وملزق..
البنات الحلوة من جملة بترشق
وأنت ناشفة مش طرية
حاجة يع الأزهرية....!!!
واللي ح يقولك يا شيخة
واللي ح يقولك يا حجة
واللي ح يبص بتناكة
واللي بيلقح شياكة
احلقي لهم فورمة ميري
أنتي أصلا مش شوية
ألف ميت مليون تحية
للأميرة الأزهرية
ارفعي راسك وقولي بفخر انك أزهرية
واللي متكاد من عفافك
عنه ما اتهبب وشافك
إيه يهمه من ايديكيأو كتافك
احنا مش فاتحين تكيّة
سهوكة ومحن ملاغيّة
ألف ميت مليون تحية
للأميرة الأزهرية
خفة الدم ف أساسها أزهرية
والشياكة كلها في الأزهرية
والحلاوة
والشقاوة
أم
زوجة
أخت
بنت بألف راجل شايلة حملومسؤولية
ألف ميت مليون تحية
للأميرة الأزهرية
واللي شايلة أصلهاوتعمل حسابها
واللي حافظة علوم كتابها
واللي زي البدر متصانة بحجابها
واللي فاهمة الدنيا جدا
بس ما تخالف أدبها
عمرها متكون غبية
ألف تاني وألف مليون تحية للأميرة الأزهرية
مش بترقص رقص كيكي
يللي أهلك أمركوكي
والشباب بيظبطوكي
الله يرحم لك أبوكي
يللي مش عاجبك جمال الأزهرية
عنصرية بعنصرية
احنا أنضف
واللي مش عاجبه كلامنا
يشرب البحرين
ونهر النيل هدية
ألف ميت مليون تحية
للأميرة الأزهرية
