كل الناس عايزاك .. رسالة مؤثرة من حازم إمام إلى صالح جمعة نجم الأهلي

علق  حازم إمام  نجم الفريق الأول لكرة القدم بنادي الزمالك على قرار عودة صالح جمعة لاعب وسط الأهلى للتدريبات الجماعية للفريق من جديد خلال الفترة المقبلة بعد غياب طويل بسبب عدم التزامه .

ووجه حازم إمام رسالة إلى صالح جمعة عبر برنامجه الإذاعي قائلا : "صالح جمعة لاعب كويس يارب يمسك فى الفرصة ويشتغل على نفسه، مصر كلها مقتنعة إنه لاعب كويس إلا هو الوحيد اللى مش حاسس بكدا".

وأضاف :  "ياصالح فوق ..  الأيام بتعدى والعمر بيجرى وهترجع تندم على الفرص دى" .

وتابع: "بزعل أوى على اللاعيبة اللى بتفرط فى موهبتها بسهولة، كل الناس عايزاك كويس ياصالح ورينا بقى أنت عايز إيه".

وأكمل : " أنا رغم أنى لعبت 10 سنين وعملت شوية حاجات مع الزمالك والمنتخب الأول ومنتخب الشباب بقعد أقول لنفسى فيها لو كنت شديت على نفسك سنتين بس فين مبقاش ينفع الندم، ياريت تتعلم".