EN
كل عام وانت معايا .. كل عام وانت الحبيب حب غالى شىء خيالى والهنا عالى الرصيد
لو هتبعد عنى يوم .. تملى عمرى بالغيوم كل عام وانت الحنون .. كل عام وانت سعيد
كل عام وانت معايا .. عايشة فيك أجمل حكاية م البداية بلا نهاية كل عام حبك يزيد
كل عام وانت فى قلبى ضحكة غالية تملى دربى شوق محبة ليه أخبى فرحة تسرى بالوريد
كل حاجة حلوة فينا تشهد الأيام دى لينا عشنا والحب مالينا عام يسلم عام جديد
ياللى جاى تحسد جمالنا .. والهوى اللى عاش ما بيننا حبنا م الرب منة باعد الشر بعيد
يالله قوم ننسى اللى مر.. ملحه زاد أو حتى مر .. حبنا له ميت ممر وانت فى القلب الوحيد
انشر الأفراح وطل .. اوعى من حبى تمل لو أغيب وللا تغيب قلبى من غيرك شريد
لما تيجى الدنيا ترقص قل لها يا دنيا أهلا واما تبعد أوعى تيأس كن لها الصلب الشديد
لو زعلت منى سامح واوعدك لأ مش هعيد وان فرحت بيا صارح .. أنسى بيكى شىء فريد
عدى يومنا بالسلامة ودعه بأحلى ابتسامة .. ده الهنا له ميت علامة .. نشكر الله المجيد
كن حنون القلب كون واللسان حلو ومصون .. احفظك جوه العيون بكره نملك ما نريد
دى الحياة أيام تعدى لونها وردى أو تحدى اللى ياخد واللى يدى له حساب عادل أكيد
ارمى حملك ع الإله .. واوصل القلب ف هواه وانتظر خير الحياة واخزى شيطانى المريد
وحده رب الكون يجود سبحوا رب الوجود وانشروا للخير يسود ذكره كنز بلا حدود كل يوم لازم يزيد
وحده لو تعبان يطبطب وان غلطنا بعفوه يغلب نوره خلى الدنيا عيد .. الغنى وهو الحميد
ودع العام اللى فات .. توبة وانسى للآهات
عشنا أحلى الذكريات.. يرحم الرب اللى مات فات لك العمر المديد..
خطوة خطوة ده الحياة حلوها ويا الأناة ربى حقق لى المنى .. ع القلوب إنت الشهيد
كل عام وانت معاية ..عاشق الدنيا بهواية كل عام وانت بخير .. كل عام وانت سعيد
