AdvertisementS
AdvertisementS

ﻣﻮﻗﻊ ﺻﺪﻱ اﻟﺒﻠﺪ

صدى البلد
الإشراف العام
إلهام أبو الفتح
رئيس التحرير
أحمد صبري
AdvertisementS
الإشراف العام
إلهام أبو الفتح
رئيس التحرير
أحمــد صبـري
Advertisements

كواعب أحمد البراهمي تكتب: الجندي المجهول (شعر)

الثلاثاء 15/سبتمبر/2020 - 10:24 م
صدى البلد
Advertisements
أنا المصري 
أنا دايما سابق عصري 
محدش يمكن سمع إسمي 
ولا عيونه شافت رسمي 
لكن موجود 
في صبح يغني للدنيا 
بكل فرحة وإطمئنان 
في شاب رايح يشوف شغله 
ويروي أرضه والبستان 
في شابة حلوة وصبية 
بتقطف زرعها النادي 
وعود ريحان 
في أبن يذاكر 
وشاب يعافر 
وناس شقيانه 
وناس فرحانه 
وناس مجروحة
 م الدنيا 
وناس بتعاني 
م الحرمان 
أنا اللي دفعت من عمري 
ومن دمي 
ومن فرحة أبويا وأمي 
و كان همي 
إن أنت تعيش في أمان 
أنا اللي كنت بسهر ليل 
وعيني ما شافت الراحه 
أنا اللي كنت في صهد الشمس 
وليل البرد 
عيني ما تعرف النومه 
وانت تبات هني ونعسان 
أنا في كل عصر 
من كل مصر 
شايل سيفي وسلاحي 
حاضن قلبي وجراحي 
راسم ضحكي في شفايف 
ولا عمري أكون خايف 
وممكن أكون فقير غلبان 
ولا عمري كرهت إنسان
لكن لما الوطن ينده 
أقوم ثاير 
ودمي الهادي في عروقي 
يصير فاير 
وتلاقيني واحد  تاني
 ورغم الفقر و الحوجه 
نفسي عاليه   وأبيه 
وقلبي غني وشبعان 
أنا لا رتبة ولا شارة 
ولا أبن فتوة الحارة 
أنا من أرض مصر الطيبة 
وناس  دمعتها قريبة 
لكن علشان أوطانها 
تضحي  بأغلي ما عندها 
ويكون أبنها الهبة .
Advertisements
AdvertisementS