EN 
كشف نجم النادي الاهلي محمد مجدي " قفشة "أن اصعب اللحظات التي مرت عليه بالامس هي كرة " زيزو " في العارضة قائلًا " الكورة دي لو جت كانت هتبقى صعبة في توقيت صعب جدًا وقبلها حسين الشحات "
وكشف في لقاء خاص عبر برنامج " كلمة أخيرة " الذي تقدمه الاعلامية لميس الحديدي على شاشة " ON"أن أول مرة اقوم بخلع التيشيرت الخاص بى قائلًا " مشاعري كانت كبيرة وأول مرة أقلع التيشيرت ومش مهم وقتها أخد إنذار أو طرد حتى أهم حاجة أخدت البطولة ورغم أني مش بحب اقلع التيشيرت ".
وواصل : " وقتها حسيت إننا خلصنا لانه جه في وقت قاتل ... وأنا كلاعب كنت بفكر في الوقت الاضافي بس إحنا كنا مهيئين نفسنا لكل حاجة بدنيًا وطول الوقت في المعسكر يوميًا بندرب على البلانتيات ".
وحول تاثير هدف شيكابالا عليه وردًا على سؤال الحديدي هل هدف شيكابلا وجعك ؟ قال " أكيد إتضايقت ماحبش يخش فيا جون وكان جون حلو لان شيكابلا لاعب كبير ماحدش يختلف عليه ".
وحول أسباب حصوله على لقب رجل المباراة قال أفشة " عشان الجون الي جبته لكن أنا في الشوط الاول مكنتش زي ماتش الوداد وأكتر واحد يحس بنفسه أنا والي يقلي أنت حلو أو وحش أنا ببقى عارف نفسي أكتر ".
وحول قلقه امن طارق حامد قال " أنا الحمد لله مش بقلق من حد بس بحترمه وبعمل حسابه لازم أعمل كده حتى لو لاعب صغير لعب قدامي و حتى لو أققل مني فنيًا لازم أحترمه اللاعب الي هينزل وهيقول خصمي أنا أعلى منه هبقى وحش وهو هيبقى كويس مش بحب أقلل من حد ".
وحول تأثير غيابات إصابات كورونا على المباارة قال " افشة " " كلنا كنا قلقانين من " كورونا " لكن بالنسبة للماتش كنا عاملين معسكر من قبل المباراة باسبوع واللاعبين كلهم جاهزين وكنا بنتمرن كويس والنادي وفرلنا كل شيء وأنا مكنتش بنام بسبب " كورونا "ومهما اعمل مكنتش بنام كنت بفضل صاحي لتاني يوم خايف من المسحة لان الواحد لما يعمل حاجة طول السنة ويجي في اللحظة الاخيرة يفبحاأ بحاجه زي دي بيقلق خاصة المسحة الاخيرة لانها ليها علاقة ببطولة إفريقيا" .
وواصل : " ديانج وصالح جمعة وكابتن وليد غابوا عن الماتش وكنت بكلمهم كلهم قبل الماتش حتى لاعبي الزمالك الونش وجمعة وأوباما مش معايا رقمه بس إطمنت عليه عن طريق عبد الله جمعة وكنت زعلان علشانهم جدًا وده مرض ومش بتمناه لحد ".
وحول تأثير الغياب وجهود موسيماني قال :" ديانج لاعب كبير وغيابه مؤثر بس الكورة عمرها ماتوقف على حد لان الكرة لعبة جماعية .. وموسيماني مدرب عبقري ومش هقول كويس لكن عبقري ومذاكر كويس و عمل تغيير بين الشوطين وشايفه عبقري وإحنا ذاكرنا الزمالك مافيش لاعب في الزمالك غير ماشفنا لعبه وده مش عيب إحترام الخصم مهم وبنتفرج على لاعبية الزمالك بموبايلاتنا ".
وكشف أفشة أنه تحدث مع موسيماني قبيل المباراة قائلًا " تحدثت معه وجبت المترجم لاني في الانجليزي الحمد لله مافيش وهو بيعلمني إنجليزي وأنا بعلمه عربي وعلمته من واحد لعشرة باللغه العربية "
وتابع : " سألني إنت قلقان ؟ قلتله لا مش قلقان بس أنا لازم أحترم اللي قدامي فرد قائلًا : أنا جاي الاهلي أعمل تاريخ وإنت معايا هعمل تاريخ ولما قالي الكلمة دي سكت سيبته ومشيت هقول إيه ؟ دي هيا العبقرية يعرف يطلع من اللاعب أحسن ماعنده في مدربين تانيين مش بيعرفوا ".
