محمد إبراهيم يسري يحيي ذكرى رحيل والده: الوقت ما بيعديش من غيرك

أحيا الفنان الشاب محمد إبراهيم يسري الذكرى السادسة لرحيل والده الراحل إبراهيم يسري، وذلك عبر صفحته الشخصية بموقع "إنستجرام".

ونشر نجل الفنان الراحل صورة من طفولته مع والده، وعلق عليها قائلا:“الوقت مابيعديش من غيرك يا هيما.. عدى ٦ سنين بس حاسسهم عمر من غيرك... كان نفسي اوي تبقي موجود معانا وتشوف كل خطوة بناخدها في حياتنا... كان نفسي افرحك يا حبيبي” .

وتابع: "ادفع عمري كله واشوف ضحكتك تاني.. صوت المفاتيح وانت راجع من التصوير.. ابتسامتك وانت داخل عليا الأوضة وبتقولي من غير أي مناسبة "أنا بحبك اوي يا حبيبي".. اللي مصبرني إني عارف إنك عند ربنا وإنك أكيد حاسس بينا وإني إن شاء الله هشوفك قريب يا حبيبي".

وأضاف: "الوقت مبيعديش يا هيما.. لا الوقت بيعدي ولا الوجع بيقل... ربنا يرحمك يا حبيبي وكل سنة وانت طيب ومبسوط في جنة ربنا يا رب... نسألكم الدعاء".

ويشارك محمد يسري في مسلسل “ضل راجل” الذي يذاع يوميا على قناة الحياة في تمام الساعة 11:30 مساء، بطولةياسرجلال، ونرمين الفقي، ونور اللبنانية، ومحمود عبد المغني، ورنا رئيس، وإنعام سالوسة، ومحمد عادل، وعصام السقا، أحمد منير، والعمل من تأليف أحمد عبد الفتاح، وإخراج أحمد صالح.