EN
تستعد فرقة شارموفرز لإحياء حفل غنائي يوم 23 سبتمبر الجاري بالإسكندرية، ومن المقرر أن يقدموا عددًا كبيرًا من أغنياتهم المحببة للجمهور.
ويتم حجز تذاكر حضور الحفل من خلال موقع تذكرتي، خلال هذه الأيام.
وكانت آخر كليبات لفرقة شارموفرز بعنوان "سينجل"، وقد اختار أعضاء فرقة شارموفرز فكرة الكليب مع المخرج يوسف طايع، ودارت فى إطار ظهورهم فرقة من كبار السن، يدعمون فكرة العيش "سينجل"، وقد لعب الماكياج دورا كبيرا فى تحولهم إلى كبار فى السن.
اقرا أيضا
فرقة شارموفرز تلغي حفلها في الساحل بسبب منع دخول فتاة محجبة
اعلنت فرقة “ شارموفرز ” على حسابها الرسمي على إنستجرام الغاء حفلتهم في الساحل تضامنا مع فتاة الحجاب و ازمتها في منع المكان من دخولها الحفل.
وعلقوا قائلين بعد اعلانهم لالغاء الحفل :" حبكوا لينا مسئولية كبيرة ويارب نقدر نردلكم ولو جزء من الحب ده".
وبدات القصة بعد ان استغاثت فتاة على موقع التواصل الاجتماعي فيسبوك بسبب الأزمة المتكررة لمنع دخول المحجبات لأماكن معينة و كان السبب الأساسي منع دخول حفلة باند شارموفرز في الساحل.
حيث أرادت الفتاة حجز الحفلة والدخول وتم منعها بسبب ارتدائها للحجاب.
فكتبت ميرنا حسام فتاة الحجاب قائلة:" حفلة شارموفرز يوم الجمعة ٢/٧/٢٠٢١
كلمت الرقم الموجود في البوست عشان احجز قالتلي ابعتيلي Instagram accounts بتاعت الناس اللي جايه.
و بعدها قالتلي الحجاب لا بس ال turban هو اللي ينفع تدخلوا بيه . اتصلت بيها قالتلي انا مش بقولك تجيلي قالعة الحجاب ولا تيجي لابسه بيكيني انا بقول الحجاب ممنوع و دا rule المكان و مش هنسمح بأي حد يدخل بحجاب مهما كان مين قولتلها يا فندم انا مينفعش اشترط عليكي تستقبليني على الباب بلبس معين برضو انتي ليه بتفرضي علي لبس انا مش قبلاه و بتتكلم بمنتهى قلة الذوق فرديت عليها قولتلها اناهبلغ شرطة السياحة و نشوف رأيهم ايه في الكلام دا ، قالتلي بلغي اللي انتي عايزاه و اعتبري حجزك ملغي و قفلت السكه في وشي”.
