EN 
“أنا عشت مع بابا في الجزائر ما يقرب من 9 سنين وكعادتي لبسي كان قصير وعندما عُدت إلى مصر ماما منعتني من ارتداء ملابسي وحرمتني من كل حاجة”، تلك كانت بداية اعترافات فتاة التيك توك موكا حجازي في تحقيقات النيابة العامة لاتهامها بنشر مقاطع فيديو خادشة للحياء عبر عدة تطبيقات على مواقع التواصل الاجتماعي.
شاهد الفيديو:
"صدى البلد” ينشر الجزء الثاني من اعترافات المتهمة موكا حجازي، وتقول: "أنا كنت هدور على أي محل أو مكتبة أشتغل فيها وأحاول أعيش مع أي واحدة من صحباتي لحد ما أموري تتدبر".
س: رحتي فين بالظبط أول ما وصلتي الشيخ زايد؟
ج: أول ما وصلت رحت مع مجموعة بنات كنت أعرفهم وقعدنا على كافيه، واتعرفت على واحد اسمه مصطفى، ولما عرف حكايتي وإني معنديش مكان اقعد فيه قالي تعالي اقعدي عندي بالبيت أنا ومراتي ورحت فعلا معاه.
س: مين مصطفى ده؟
ج: ده اسمه مصطفى، ساكن في الشيخ زايد، سواق “أوبر” ومعرفش عنه حاجة تاني، وقعدت عنده ما يقرب من 7 أيام وبعد كده مشيت من عنده عشان كان عايز يوديني دار رعاية وانا مكنتش عايزة أقعد في دار فمشيت.
س: بعد كده رحتي فين؟
ج: بعد كده مشيت رحت أكتوبر مع بنات كانوا قاعدين في شقة، هما طلبة بجامعة بأكتوبر، كنت قاعدة معاهم، وبعدين هما نزلوا اجازة وروحت عند بنات تانيين اتصاحبت عليهم وقعدت معاهم.
س: اتعرفتي على البنات دي ازاي؟
ج: اتعرفت على كذا بنت من النت وكنا نتقابل في الكافيه ونخرج سوى واتعرفت على أصحابهم، وبعد فترة ما يقرب من شهرين تلاتة اتعرفت على واحد اسمه أيمن وروحت قعدت عنده في شقته فترة.
ولمزيد من التفاصيل حول اعترافات موكا حجازي "تيك توك" شاهد الفيديو التالي..
شاهد الفيديو:
