EN 
حل الفنان دياب، ضيفا على الإعلامي عمرو أديب، ببرنامج "الحكاية"، المُذاع عبر فضائية "إم بي سي مصر".
وكشف دياب، عن رأيه في منع الغناء في الحفلات بالفلاشة، قائلا: "قرار عظيم، لأن الموسيقين قاعدين في البيت من غير شغل"، مشيرا: "أنا كمطرب على الأقل يكون معايا 8 موسيقيين علشان الناس تأكل عيش.. لأن الشغل دلوقتي قليل جدا وكمان الناس هتطلع تغني بفلاشة حرام".
وتابع: "نخلي اللي يعرف يغني يشتغل واللي مش بيعرف يشوف له شغلانه تانية"، مردفا: "الفلاشة بتخلي أي حد يغني".
وكشف دياب، سبب وجود كلمة "القاضية"، في أغنيته، قائلا: "عزيز الشافعي اللي كاتب وملحن وأكيد مش قاصده حاجه دا زملكاوي عظيم".
وأشار: "عزيز الشافعي كبير الزملكاوية وأنا معنديش شخصية في الحاجات دي"، مشيرا: " "مفيش حاجه اسمها غناء مهرجانات، لأن المهرجانات نوع من الموسيقى".
وأضاف: "المهرجانات طرأت على المجتمع المصري خلال السنوات الأخيرة، وبدأت تنتشر بشكل كبير ولا تنتمي للأغنية الشعبية"، مردفا: "هناك مطربين شعبيين كتير مثل عدوية محمود الليثي ومصطفى حجاج"، موضحا: "المطرب الذي يغني شعبي لا بد أن يكون بيغي كويس جدا وصوته مظبوط، ولازم صوته يملئ كل حواس المستمع".
