دخل بيتى وقابل جوزى .. أبنة عفاف راضى تكشف عن تعرضها للتحرش

كشفت المطربة مي كمال، ابنة الفنانة عفاف راضي، عن تعرضها للتحرش من خلال منشور عبر حسابها بالفيسبوك .

وكتبت مى كمال :" اكتر حاجه مستفزاني اني لو كنت طلعت و وريت الscreenshots دي للناس من ٣ سنين يمكن مكانش فيليب انور ده كمل تحرش في البنات كده.".

وأضافت مى كمال :"بس حسيت اني اولا مش عايزه اي حد مخه مريض يرمي عليا انا اللوم ان انا بتاعة مشاكل، و برضو للأسف من كم الاعتذارات اللي قعد يعتذرهالي ساعتها انا صدقت ان دي اول مره يتكلم كده و استحرمت اسوّأ سمعته من موقف واحد و محططلوش في مخي ساعتها عنوان المتحرش.

3 years later; he is still doing the same thing with other people and one of the reported incidents with one of the girls was physical".

وتابعت مى كمال :"البني ادم ده تعريف المتحرش المستهتر الساذج لان ده واحد دخل بيتي و قابل جوزي و عارف هو ممكن يشوف مننا عواقب شكلها ايه و مع ذلك قرر يقول لي الكلام ده و في chat..  لكن في غيره مش اغبية كده و بيتحرشوا face to face و ينكروا و ده المخيف اكتر".

واختتمت :" ف يا ريت اي واحد يفكر ياخد السكه دي مع اي واحده في الmusic scene او غيره يكون متأكد ان مفيش مساحه للسكوت عن القرف ده و ان بسهوله جداً حياته الشخصية و المهنية و كل علاقاته في المجال و بره المجال هتنتهي".

ابنة عفاف راضي تستضيفها في حفل غنائي على مسرح معهد الموسيقى العربية

كشفت الفنانة عفاف راضي عن ردة فعلها ونصائحها  لابنتها الفنانة مي كمال عندما قررت الدخول في مجال الغناء قائلة : “ نصحتها بعدم الدخول لاشفاقي على الجيل الجديد  والصعوبات التي تواجهه  وقلتلها الدنيا صعبة جداً وإذا كان الكبار مش عارفين يكملوا مشاوارهم الفني، فالاصوات الجديدة يعملوا إيه ؟ ”.

وتابعت عفاف راضي خلال لقائها مع برنامج " كلمة أخيرة  " المُذاع على فضائية " ON" في مسرح النافورة  بدار الاوبرا، قائلة: “فيه جيل كويس وعمرو شغله كويس في الاعلان صحيح كان إعلان تجاري   لكن مؤثر وأنا حبيته  بس مكملتش  وكسلت تاني لصعوبة العملية الانتاجية وأنا كنت متعودة  أغني بس من غير ماشيل هم  عملية الانتاج كان زمان شركة  بتنتج  الااغنية والموسيقى يقوم بها ملحن  أنا أخدت على أن كل واحد دور دلوقتي لازم المغني يبحث عن اللحن ولازم يطلع كويس وغالباً يطلع وحش وبعدين نخش في مرحلة التسويق”.