نائبة عن واقعة عروس الإسماعلية: علموا الناس يربوا بناتهم صح

استنكرت ميرفت عبد العظيم عضو مجلس النواب واقعة ضرب عروس الإسماعلية، عبر صفحتها الرسمية بموقع التواصل الاجتماعي فيس بوك.

قالت النائبة: “انتم مستغربين جدا إزاي العروسة اللي انضربت من عريسها يوم فرحها كملت عادي واتصورت في بيته عادي؟؟ انزلوا وشوفوا للأسف ثقافة ان هذا حق الراجل والطبيعي موجودة وبشكل أقبح مما تتخيلوا، ولم يكن مزعجا ليا الطلب بقانون لمنع ضرب الزوجات؛ لأنه للأسف أغلبهم مش هيبلغ ولا هيكبر الموضوع”.

وأضافت النائبة: "الأسبوع ده شفت في عيادتي عروسة حامل جديد بتضحك ببلاهة ان جوزها بيضربها بافترا وبالمقشة ولما قلتلها ازاي ده أخته ضحكت ببلاهة اكتر وقالت لما بحاول ادافع عنها بيضربني أنا كمان". 

وتساءلت: هتحاول تقنعهم إزاي ان ده مش عادي ولا مقبول؟ علموهم يربوا بناتهم الأول انها مش كائن درجة تانية ممكن يتهان ويتضرب ويضحك كمان، باختصار علموا الناس يربوا بناتهم زي ربنا ما قال مش زي ما ثقافة الجهل والتخلف قالت، مرار طافح والله.

وسيطرت حالة من الغضب بين جموع المواطنين، بعدما شاهدوا فيديو منتشر لـ عروسة الإسماعيلية، على مواقع التواصل الاجتماعي، يظهر فيه عريس يعتدي على عروسته في الشارع.

وفوجئ الجميع بفيديو جديد يظهر فيه العريس والعروسة أثناء تناولهم الحمام والعشاء في شقتهم.

وتداول نشطاء على مواقع التواصل الاجتماعي "فيس بوك"، مقطع فيديو لاعتداء عريس على عروسته بالضرب، أثناء الزفة بالسيارة.

وظهر بمقطع الفيديو العروس بعد اعتداء عريسها عليها وسقوطها علي الارض واستدعاء الشرطة.